Gocat e “Goats” nga Andale Media kanë ndarë disa histori që ndjekësit e tyre kanë përjetuar me nënat e tyre. Shumë prej tyre janë rrëfime të dhimbshme, që tregojnë se jo gjithmonë figura e nënës është mbështetëse dhe e ngrohtë. Ja disa histori që pasqyrojnë zhgënjimin, mungesën e përkrahjes dhe ndjenjën e të qenit i/e pakuptuar.
#1 Kur sekreti yt bëhet temë muhabeti për të gjithë
“Sa herë që ndaj diçka personale me mamanë time, e marr vesh nga të tjerët që ua ka treguar. Dhe kur e pyes pse e bëri, thotë: ‘Ua, nuk mendoja se do e përhapte fjalën!’ Zhgënjim total. Tani nuk i them më asgjë për veten time.”
#2 Një fjalë e mirë që s’erdhi kurrë
“Urrej faktin që nuk e kam dëgjuar asnjëherë të më thotë: ‘Forca, ti mundesh! Je e zonja, je i zgjuar dhe mund të realizosh ëndrrat e tua.’ Mbase kishte frikë se mos i kthenim shpinën nëse bëheshim shumë të suksesshëm. Po për ne, kjo a s’do të thotë asgjë?”
#3 Kur në vend që të mbrojë veten, të pengon dhe ty
“Më besdis kur më thotë të flas më pak ose të mos them gjëra që e nervozojnë babin. Do doja të kishte më shumë guxim ta mbronte veten. Jo vetëm që s’e bën, por më pengon edhe mua ta mbroj për të. Do doja të mos ishte martuar me babain tim dhe nëse kjo do të thotë që unë të mos ekzistoja, prapë do e pranoja.”
#4 Kur dashuria e nënës vjen me kushte
“Gjithmonë më ulte dhe, kur u fejova me zor, më tha: ‘Shyqyr që të vari ai ty!’ Ndërkohë, unë 20 vjeç, ai 34. E kam falur, aq dinte, aq thoshte. Fatmirësisht, tani jam e lirë dhe e pavarur.”
Këto rrëfime janë të rënda, por fatkeqësisht jo të rralla. Ndonjëherë, marrëdhënia me prindërit mund të na lërë plagë që zgjasin një jetë. Dhe nëse e gjen veten në histori si këto, dije se nuk je vetëm dhe se, mbi të gjitha, ke fuqinë të ndërtosh një jetë më të mirë për veten.
Nëse e gjen veten në histori si këto, dije se nuk je vetëm dhe se mbi të gjitha, ke fuqinë të ndërtosh një jetë më të mirë për veten. Është e rëndësishme të vendosësh kufij të shëndetshëm në marrëdhënien me nënën tënde, të kërkosh mbështetje emocionale nga njerëz të besuar dhe nëse është e nevojshme, të marrësh ndihmë profesionale. Nuk është e lehtë të shkëputesh nga modelet e dhimbshme të së kaluarës, por duke punuar me veten, mund të krijosh një të ardhme ku ndihesh i/e vlerësuar dhe i/e mbështetur.
