Një truk i thjeshtë, por gjenial, po përdoret nga gratë për të kuptuar nëse partneri i tyre është besnik apo jo. Ndoshta duket si një trend i thjeshtë bukurie, por në fakt, një truk i ri po përdoret nga gratë beqare për të zbuluar nëse një mashkull është besnik apo jo. Dhe e gjitha lidhet me xixat!

Si funksionon? Ideja është e thjeshtë: para një takimi, një grua e lyen trupin dhe rrobat me xixa, duke e bërë të pamundur që ai të mos marrë mbi vete ndonjë grimcë shkëlqyese. Siç dihet, xixat janë një nga gjërat më të vështira për t’u hequr – ato ngjiten pas lëkurës, rrobave dhe madje përhapen kudo.

Nëse partnerja e tij e sheh më vonë me gjurmë xixash në trup ose në rroba, atëherë ka vend për dyshime.

Ky truk ka fituar një popullaritet të madh, duke u konsideruar si një metodë “e zgjuar” për të testuar besnikërinë. Disa gra madje e shohin si një mënyrë për të ndihmuar edhe të tjerat, pasi një burrë që ka dalë me dikë tjetër nuk do të mund të fshehë dot shkëlqimin që ka marrë me vete.

Por nuk janë vetëm beqaret ato që po eksperimentojnë me këtë metodë. Gratë në marrëdhënie afatgjata kanë filluar të përdorin xixat si një masë parandaluese ndaj tradhtisë. Disa prej tyre vendosin pak xixa në rrobat apo sendet personale të partnerëve, si në makinë apo çanta, për të parë nëse “shkëlqimi” përhapet më vonë gjetkë.

Një grua madje e konsideroi këtë metodë si një “uno reverse” - domethënë, një mënyrë për të siguruar që partneri nuk do të dalë nëpër takime pa lënë gjurmë. Sigurisht, ka nga ata që e shohin këtë si një qasje pak ekstreme. Por për shumë gra, një truk kaq i thjeshtë mund të jetë një mjet shtesë për të dalluar sinjalet e tradhtisë, duke i bërë xixat jo vetëm një element bukurie, por edhe një “test besnikërie”.

Kush e mendonte që një shkëlqim i vogël mund të ndriçonte kaq shumë të vërteta?

Artikuj të sugjeruar: