Chris Voss është një autor dhe sipërmarrës amerikan. Ai punoi si negociator pengjesh në FBI dhe së fundmi po ndan njohuritë e tij rreth komunikimit njerëzor. Një aftësi kryesore që ai zotëroi gjatë 24 viteve të tij si një nga negociatorët kryesorë ndërkombëtarë të FBI-së ishte inteligjenca emocionale. Sekreti, sipas Voss, është të dish të dëgjosh dhe lexosh njerëzit.

Në vitin 1993, për shembull, dy burra mbajtën peng tre punonjës në një bankë në Bruklin, Nju Jork. Chriss Voss ishte negociatori i dytë në telefon me një nga grabitësit e bankës.

Për të zgjidhur konfliktin, ai bëri tre gjëra, të cilat ai thotë se njerëzit me inteligjencë të lartë emocionale i bëjnë kur komunikojnë me të tjerët, veçanërisht gjatë bisedave të ndjeshme:

Flisni me qetësi

Në atë negociatë të vitit 1993, Voss përdori një teknikë që ai e quan "Zëri i spikerit të radios natën vonë": një zë qetësues, por jo i nënshtruar, që mund të zbatohet në çdo situatë. Ky ton zëri shkakton një reaksion neurokimik që qetëson trurin e bashkëbiseduesit tuaj. Më pas krijon një bisedë më të qartë dhe më të qetë.

"Kurioziteti i vërtetë është një truk për kontrollin emocional," tha Chris Voss në një intervistë në podcast. "Nëse flisni me zë të lartë dhe të vendosu apor me një zë të butë dhe qetësues, mund të qetësoni personin tjetër dhe veten."

Përsëritni deklaratat si pyetje

"Pasqyrimi" është një teknikë efektive për ndërtimin e vullnetit të mirë dhe mbledhjen e informacionit. Ju "pasqyroni" dikë duke përsëritur disa fjalë kyçe që ata përdorën në komunikimin e fundit. Për shembull, nëse grabitësi i bankës në vitin 1993 kishte thënë: " Kam pasur një ditë vërtet të vështirë, për shkak të stresit që kam", përgjigjuni me "Stresi që keni?" . Kjo ju mban të pranishëm dhe emocionalisht të kthjellët, ndërkohë që lejon personin tjetër të vazhdojë të flasë dhe të shprehet me ju.

Theksoni ndjenjat e tjetrit

Voss më pas tha se ndërsa fliste me grabitësin ai u përpoq të pranonte dhe vinte theksin te ndjenjat e tij:

"Nuk ishte faji yt, apo jo?" dhe "Je penduar që kjo ndodhi, apo jo?".

Të dyja këto pyetje nënkuptonin se grabitësi thjesht e futi veten në një situatë të keqe. Ky truk përdoret për të identifikuar dhe emërtuar verbalisht ndjenjat e bashkëbiseduesit tuaj. Një përgjigje e mirë do të ishte:

"Duket sikur je në një situatë stresuese" ose "Duket sikur je i pakënaqur me mënyrën se si ndodhën gjërat".

Inteligjenca e lartë emocionale kërkon dëgjim strategjik

Chris Voss arriti të bindte grabitësit e bankës që të dorëzoheshin dhe të lironin pengjet, sepse ai bëri diçka që shumica prej nesh ndoshta nuk do ta bënin në mes të një situate stresuese: ai dëgjoi.

Mjetet e tij të negocimit mund të përdoren në çdo situatë të jetës. 

"Nëse jeni në gjendje të zotëroni artin e të dëgjuarit, mund të përdorni inteligjencën tuaj emocionale për të zbutur me sukses një konflikt me një koleg, bashkëshortin apo edhe fëmijën tuaj adoleshent."

Artikuj të sugjeruar: