Nuk ka lidhje perfekte - të gjithë çiftet kanë uljet dhe ngritjet e tyre. Por kur momentet e këqija peshojnë më shumë se ato të bukura, ndoshta është koha të mendosh seriozisht: A ja vlen më?

1. Lidhja jote është më shumë negative sesa pozitive

Një ditë grindje, një javë ftohtësi, një muaj pa intimitet dhe papritur, lidhja jote ndihet si një punë me orar të plotë pa asnjë shpërblim emocional. Nëse ndihesh më shumë i/e stresuar sesa i/e lumtur, ka diçka që nuk shkon.

Çfarë të bësh: Pyet veten nëse momentet e bukura që kaloni bashkë janë ende të mjaftueshme për ta mbajtur lidhjen gjallë. Nëse e vetmja arsye që je ende aty është rutina apo frika e vetmisë, ndoshta duhet të rimendosh situatën.

2. Nuk ndihesh i/e plotësuar dhe i/e lumtur

Lidhja duhet të të bëjë të ndihesh më mirë, jo të të konsumojë. Nëse ndihesh sikur partneri po mundohet të të ndryshojë, ose ti po e ndryshon atë, kemi një problem. Kur debatoni gjithmonë për të njëjtat gjëra pa gjetur një zgjidhje, është një shenjë se lidhja ka ngecur.

Çfarë të bësh: Pyet veten: “Jam ende këtu sepse e dua këtë person, apo thjesht nga frika se do mbetem vetëm?” Nëse përgjigjja është e dyta, atëherë ndoshta është koha të ndërtosh lumturinë tënde jashtë kësaj lidhjeje.

3. Po të soset durimi për gjithçka

Nëse çdo veprim i partnerit po të irriton - që nga mënyra si qesh, si ha, si lë çorapet nëpër shtëpi - ka diçka më të thellë që po të shqetëson. Kur lidhja s’është më e fortë, edhe gjërat më të vogla mund të bëhen të padurueshme.

Çfarë të bësh: Analizo veten: Po të bezdisin thjesht zakonet e partnerit apo ndjenja jote për të ka ndryshuar? Nëse çdo detaj të acaron, ndoshta problemi nuk është tek ai/ajo, por tek fakti që ti nuk je më i/e lumtur në këtë lidhje.

4. Ke një ndjesi të çuditshme që diçka nuk shkon

Nëse diçka të thotë që lidhja jote s’po shkon askund, mos e injoro atë ndjesi. Nuk ke nevojë për një arsye të madhe - thjesht fakti që ndihesh i/e bllokuar dhe pa entuziazëm për të ardhmen bashkë është një shenjë e fortë.

Çfarë të bësh: Beso instinktin tënd. Nëse diçka nuk shkon, ka shumë mundësi që të jetë e vërtetë. Foli dikujt të besuar, shkruaji mendimet e tua ose merr pak hapësirë për të reflektuar. Pranimi i së vërtetës është pjesa më e vështirë, por të ndihmon të marrësh drejtimin e duhur.

Kur është koha për të lënë diçka pas?

Të pranosh se një lidhje ka mbaruar nuk është e lehtë. Por të qëndrosh aty thjesht nga zakoni ose frika e ndryshimit mund të të kushtojë vite të çmuara lumturie.

Pyet veten: Kjo lidhje po më bën më të mirë apo më po më rraskapit? Nëse është e dyta, mos u mjafto me diçka që nuk të përmbush. Lidhja e duhur duhet të të japë energji, jo të të konsumojë.

Burime: Psychology Today