Bhad Bhabie - emri i saj i vërtetë Danielle Bregoli, e njohur nga fraza virale “Cash Me Outside” publikoi një diss track kundër Alabama Barker, vajza e Travis Barker që ka njerkë Kourtney Kardashian. Kënga, e titulluar “Ms. Whitman”, ndezi menjëherë internetin dhe tashmë ka grumbulluar mbi një milion shikime në YouTube. Ky është episodi më i fundit në një konflikt që ka muaj që po zhvillohet mes tyre.
Në këngë, Bhad Bhabie e përmend Alabama-n me emër mbi një beat të “Carnival” të Ye (Kanye West), duke pretenduar se 18-vjeçarja, e cila është muzikante dhe personalitet online, jeton në hije të famës dhe pasurisë së prindërve të saj dhe se ka kopjuar stilin e repit nga Latto. Për më tepër, kënga përfshin edhe akuza më të rënda, duke e lidhur Alabama-n me lojtarë të NFL-së dhe reperin 35-vjeçar Tyga.
Si filloi ky konflikt?
Gjithçka nisi në dhjetor, kur Bhad Bhabie akuzoi Alabama Barker se kishte tentuar t’i vidhte të dashurin e atëhershëm dhe babain e fëmijës së saj, Le Vaughn. Situata u bë edhe më dramatike kur Bhad Bhabie pretendoi se Alabama kishte flirtuar me Vaughn ndërsa ajo po trajtohej për kancer. (Në nëntor, Bhad Bhabie zbuloi se ishte diagnostikuar me një formë kanceri që lidhej me qelizat e saj të bardha të gjakut.) Alabama mohoi akuzat, duke thënë se në fakt ishte Vaughn ai që i kishte bërë hapa të parë.
Pasi tensionet u rritën, Bhad Bhabie publikoi këngën “Over Cooked” në fillim të këtij muaji, ku i shprehu ankesat e saj në vargje rap. Në këtë këngë, ajo pretendoi se Alabama kishte mbetur shtatzënë me Tyga-n dhe më pas kishte kryer një abort, një thashethem që u përhap shpejt në media, por që si Alabama, ashtu edhe Tyga e mohuan.
Alabama nuk qëndroi duarkryq dhe iu kundërpërgjigj me “Cry Bhabie”, ku mohoi akuzat e Bhad Bhabie për të dashurin dhe e sulmoi atë për tradhtinë e partnerit të saj, duke sugjeruar gjithashtu se miqtë e saj e kishin tradhtuar pas shpine. Një dramë e mirëfilltë adoleshentësh, pavarësisht se Bhad Bhabie, edhe pse duket sikur ka qenë gjithmonë një figurë e njohur online, është vetëm 21 vjeç.
Ajo u bë virale para disa vitesh kur zbuloi se kishte fituar një shifër marramendëse prej 57 milionë dollarësh në “OnlyFans” menjëherë pasi mbushi 18 vjeç. Nga ana tjetër, Alabama është ende adoleshente, çka i bën disa nga temat e përmendura në këngët e tyre të ndihen disi të pakëndshme, në të njëjtën mënyrë si referenca për pedofilinë në këngën virale “Not Like Us”.
Mbase, ky lloj repi viral, që gjithnjë e më shumë kalon kufirin e asaj çka është e pranueshme, është bërë gjuha e re e kohës sonë. Në videoklipin e “Ms. Whitman”, një person që duket si Travis Barker luan në bateri ndërsa Bhad Bhabie sulmon publikisht familjen e tij. Është një shembull i qartë i reputacionit dhe dramës së shekullit të 21-të, ku çdo konflikt personal shndërrohet në spektakël online për miliona shikues.
Të dyja vajzat duket se e kanë kuptuar shumë mirë si të mbajnë vëmendjen e internetit. Kjo, në fund të fundit, të bën të mendosh jo vetëm për famën virale, por për gjithë natyrën e rrjeteve sociale dhe ndoshta edhe për të gjithë internetin në përgjithësi. Mbase, gjithçka ishte e shkruar të ndodhte kështu.
Tani e di pse Bhad Bhabie dhe Alabama Barker po zihen. Jeni të mirëpritur!
