Harrimi i emrit të dikujt, veçanërisht pasi ata sapo jua thanë, mund të jetë jashtëzakonisht i sikletshëm, por është një përvojë e zakonshme që të gjithë e kalojmë. Disa njerëz janë më të hapur kur harrojnë emrin e dikujt dhe pyesin pambarimisht derisa me shpresë ta fiksojnë, ndërsa të tjerë provojnë disa metoda unike për ta kuptuar atë tinëz.

Ja 5 nga këto shprehje:

1. “Pse nuk regjistrojmë numrat e njëri-tjetrit?”

T'i kërkoni dikujt të vendosë emrin dhe numrin e tij në telefonin tuaj është një mënyrë e thjeshtë për të mësuar emrin e tij. Patjetër, kjo varet dhe nga raporti që ke me personin në fjalë.

2. “Më lejo të të prezantoj dikë.”

Tani, stili këtu është që t’i lësh ata dy persona të prezantohen me njëri-tjetrin, pra tregohuni të kujdesshëm të mos lini përshtypjen sikur do e bëni ju prezantimin, përndryshe ratë në grackën tuaj.

3. “Hej … si po kalon sot?”

Të gjithë e njohim atë personin që s’të thërret kurrë në emër, por me 1001 pseudonime të tjera. Epo, ka ardhur koha t’ju themi se me gjasë nuk jeni vetëm ju “ylli”, “zemra”, apo “shpirti” i atij personit specifik, ata thjesht s’ju mbajnë mend emrin. Megjithatë, përdorini si shembull kur ndodheni në të njëjtat situata.

4. “Çfarë kuptimi ka emri yt?”

Sërish, bën mirë të jeni me fat dhe emri i personit të mos jetë “Manushaqe”. Në të tjera raste, kjo pyetje ju shpëton nga situata e sikletshme…ose ju fut në një tjetër mesele duke dëgjuar historinë e thellë të kuptimit të emrit të një personi.

5. “Pse s’ndiqemi në rrjetet sociale?”

Kjo mund të jetë dhe metoda më e mirë për të rikujtuar emrin e dikujt pa u dukur shumë që e keni harruar. Megjithatë, nuk siguron gjithmonë rezultat pasi personi mund të mos ketë rrjete sociale apo të përdorë një pseudonim.

Artikuj të sugjeruar: