Ftesa për Antonela Berishën në “Goca&Gra” bëri bujë të madhe pas skandalit të dhunës në të cilin ajo ishte përfshirë pak kohë më parë. Ajo që u diskutua më shumë pas kësaj daljeje, ishte fakti që Antonela kërkoi një falje publike e cila linte për të dëshiruar dhe qartazi dukej se ajo nuk ndjente pendesë për veprimet e veta, duke u fokusuar më shumë në promovimin e linjës së saj të veshjeve.

Në studion e Uëtëfë show, nga Andale Media e ftuar ishte Rudina Dembacaj, e cila u pyet nëse kishte ndjerë pendesë për ndonjë të ftuar gjatë eksperiencës së saj si moderatore dhe veçanërisht për Antonela Berishën. Për këtë, Rudina tha:

“Unë kam vajzë vetë dhe për një moment po ta mendoja sikur vajzës time t’i kishte ndodhur e njëjta gjë, sigurisht që nuk do e toleroja kurrë. Por, emisioni ka një autor dhe unë në mënyrë kategorike kur pranoj të bëj një punë, do e çoj deri në fund.”

Në kundërshti të gjithë kritikave që zjenë në rrjet pas kësaj daljeje të Antonelës, Rudina u shpreh:

“Nuk mendoj se ishte ndonjë gabim i madh që u ftua. Asaj iu dha mundësia, iu dha koha televizive. Që në momentin e parë mendova që Antonela do kërkonte një falje publike dhe do i bënte shumë mirë. E kërkoi faljen, por mua s’më ‘ngopi’.”

Arsyeja pse Rudina pati një qasje më empatike se shumica ndaj Antonelës, ajo tha se vinte pjesërsht prej njohjes personale që kishin të dyja, si fqinje të dikurshme në të njëjtin pallat:

“Unë kategorikisht e dënoj dhunën dhe nuk e justifikoj atë që u bë, por prapë kisha një keqardhje për të sepse unë e kam njohur shumë të vogël. Madje kujtoj një herë që më tha ‘unë dua të bëhem si ti’. Uroj dhe shpresoj që të ketë reflektuar sepse nuk është kurrë vonë. Mirë nuk do ishte të ndodhte [ajo që ndodhi].”

Intervista e plotë me Rudina Dembacajn: