Disa sjellje mund të na bëjnë të dukemi më pak interesantë në sytë e të tjerëve. Më poshtë gjeni 15 tiparet e njerëzve të mërzitshëm, përmbledhur nga një seri postimesh në Quora.

1. Nuk krijojnë ekuilibër në bisedë – Ose flasin vazhdimisht pa dëgjuar, ose vetëm dëgjojnë pa folur fare.

2. Nuk e dallojnë nëse të tjerët janë të interesuar në bisedë – Vazhdojnë të flasin, edhe kur pala tjetër duket e painteresuar.

3. Kanë pak ose aspak për të thënë – Nuk kanë tema të reja për të sjellë në një bisedë.

4. Bëjnë gjithmonë të njëjtat gjëra – Kur rutina është e pandryshueshme, nuk ka shumë për të diskutuar.

5. Nuk shprehin mendime personale – Mungesa e opinioneve e bën bisedën të vakët.

6. Nuk dinë të tregojnë histori – Një rrëfim i thatë dhe pa emocion bën që të jenë të lodhshëm.

7. Nuk sjellin risi në diskutim – Në vend që të kontribuojnë me diçka të re, përsërisin të njëjtat gjëra.

8. Nuk vendosen në vendin e tjetrit – Mungesa e empatisë e bën të vështirë krijimin e një lidhjeje të sinqertë.

9. Nuk përfshijnë të tjerët – Një bisedë bëhet më interesante kur të gjithë ndihen të dëgjuar.

10. Mungesa e spontanitetit – Ata që s’dinë të improvizojnë, shpesh duken të parashikueshëm dhe të mërzitshëm.

11. Përhapin negativitet – Të ankuarit e vazhdueshëm ose viktimizimi i tepërt i largon të tjerët.

12. Përsërisin veten – Të njëjtat histori dhe argumente, pa asnjë ndryshim, bëhen të lodhshme.

13. Janë të fiksuar pas mendimit të të tjerëve – Përpjekja për të kënaqur të gjithë, shpesh i bën të duken qesharakë.

14. Duan të tregojnë sa të zgjuar janë – Kur dikush mundohet të impresionojë vazhdimisht me inteligjencën e tij, shpesh është më shumë irritues sesa interesant.

15. Duken gjithmonë të trishtuar ose të pakënaqur – Njerëzit që shfaqin vazhdimisht pakënaqësi krijojnë një atmosferë të rënduar në çdo bisedë.