Që kur “Adolescence” u shfaq në Netflix, është bërë seriali më i komentuar në mbarë botën dhe një nga më të suksesshmit e vitit. Të gjithë po analizojnë përmbajtjen e episodeve, aq sa fansat kanë nisur me teoritë për fotot e fëmijëve që shfaqen në fillim të episodeve.

Siç mund ta keni parë, në fillim të episodeve shfaqen disa foto fëmijësh. Dikush në Reddit pyeti: “A e di njeri se ç’kuptim kanë këto foto?”

Disa njerëz ishin të mendimit se janë foto të viktimave të vrasjeve me thikë, si një homazh bazuar në temën kryesore të serialit. Të tjerë qenë të mendimit se janë fotot e aktorëve të serialit kur kanë qenë fëmijë, nisur dhe nga ngjashmëria mes tyre.

Teoria e dytë është e vërtetë. Netflix konfirmoi se “janë imazhe të fëmijërisë së aktorëve të rinj të serialit, të marra me miratimin e tyre.”

Dikush shkroi se përdorimi i këtyre fotove synon të njerrë në pah pafajësinë e fëmijëve dhe sa të cenueshëm janë ata nga manipulimi.

Artikuj të sugjeruar: