Showbiz dhe TV

Shokon Fero: Reperi quan prostitutë Arbenitën në këngën e re (dhe jo vetëm) O.O

Shkruar nga Anabel

27 Mars 2025

Shokon Fero: Reperi quan prostitutë Arbenitën në këngën

Këngëtari Fero duket se nuk ka në plan të ndalojë së ofenduari publikisht ish-bashkëshorten e tij, Arbenita Ismajli. Shpesh herë ai ka bërë deklarata të ndryshme dhe denigruese ndaj saj, por së fundmi duket se ka gati një këngë, ku mes rreshtave përmend vajzën dhe ish-partneren.

Fero ka publikuar një pjesë të këngës, teksa ndodhet në studio, ku shprehet se ka 8 muaj pa parë vajzën dhe më pas ofendon Arbenitën.

“Nuk e kam parë çikën (vajzën) që 8 muaj / K*rva po bën skena / I çoj të fala motrës së presidentes / Leku i prostitutës është më i fortë se i Feros”, thuhet në këngë.

Nëse jeni të konfuzuar se përse përmendet motra e presidentes së Kosovës, Vjosa Osmanit, arsyeja është kjo: Blinera Osmani është avokatja e Arbenitës.

Fero, i cili dikur tha se do të linte muzikën për fenë, duket se i është rikthyer zakonit të vjetër. Madje, lajmin zgjodhi ta jepte përmes një këngë që shan ish-partneren, duke na lënë të kuptojmë se koha si besimtar i devotshëm nuk i paska mësuar asgjë. Megjithatë, duhet theksuar se këngëtari nuk i ka shkëputur marrëdhëniet me fenë, pasi fill pas këngës ku quan k*rvë nënën e vajzës së tij, publikoi një foto në një xhami, me gjasë duke u lutur t’i falen mëkatet.

Artikuj të sugjeruar: