Health

5 dhimbje që nuk duhen injoruar kurrë

5 dhimbje që nuk duhen injoruar kurrë

Kur bëhet fjalë për urgjenca shëndetësore, mjekët shohin gjithçka. Janë ata të cilët njerëzit i drejtohen me shpejtësi kur diçka serioze shkon keq. Por çfarë quhet vërtet “serioze”?

Dhimbja është shumë subjektive dhe nuk ka një rregull të përgjithshëm që vlen për të gjithë. Megjithatë, disa lloje dhimbjesh janë sinjale alarmi që nuk duhen injoruar. Më mirë të dëgjosh që nuk ke asgjë, sesa të pendohesh që nuk ke shkuar tek mjeku në kohë. Ja cilat janë dhimbjet që kërkojnë vëmendje mjekësore menjëherë:

1. Dhimbje e papritur që nuk largohet

Nëse një dhimbje shfaqet papritur dhe nuk ikën, është një sinjal që nuk duhet neglizhuar. Sado e vogël të duket, nëse është e pazakontë dhe e fortë, duhet të konsultohesh me një mjek. Në fund të ditës, është më mirë të jesh i kujdesshëm sesa të pendohesh më vonë.

2. Dhimbje në gjoks

Kur flasim për dhimbje gjoksi, shumicës i shkon mendja menjëherë tek sulmi në zemër dhe me të drejtë! Një dhimbje e papritur në këtë zonë, sidomos nëse nuk e ke ndier më parë, është një arsye e mirë për të shkuar tek mjeku menjëherë.
Gjithashtu, dhimbja e gjoksit mund të sinjalizojë edhe probleme të tjera serioze, si mpiksje gjaku në mushkëri apo shqyerje e një ene të madhe të gjakut. Pra, është një dhimbje që nuk duhet marrë lehtë.

3. Dhimbje në pulpë e shoqëruar me skuqje

Nëse ndien dhimbje në pulpë dhe ajo është e skuqur apo e fryrë, kjo mund të jetë shenjë e një tromboze të venave të thella (DVT). Kjo është një gjendje e rrezikshme që mund të çojë në komplikacione serioze, sidomos nëse ke qëndruar shtrirë për një kohë të gjatë pas një operacioni ose pas një fluturimi të gjatë.

4. Dhimbje në pjesën e sipërme të shpinës, që ndihet si këputje

Dhimbjet e shpinës mund të ndodhin për arsye nga më të ndryshmet, por një dhimbje e papritur dhe e fortë në pjesën e sipërme të shpinës, që duket sikur po të “këput” nga brenda, mund të jetë një shenjë e një problemi serioz me aortën - enën më të madhe të gjakut në trup.

5. Dhimbje të caktuara në pjesën e poshtme të barkut

Barku është një nga zonat më të ndërlikuara kur bëhet fjalë për dhimbje. Dhimbja në njërën anë të barkut ose në shpinë, e shoqëruar me temperaturë, mund të tregojë infeksion në veshka. Nëse ke edhe përzierje apo të vjella, mund të jetë apendesiti. Në çdo rast, këto lloj dhimbjesh nuk duhen injoruar.

Nëse ndien ndonjë nga këto dhimbje, mos prit të shohësh “si do shkojë”. Është gjithmonë më mirë të konsultohesh me një profesionist shëndetësor sesa të rrezikosh shëndetin tënd.

Burimi: HuffPost

REELS

Si do e përshkruanit verën tuaj? 🌊

Si ju duk 💍 Georgina 💍 në Festivalin e Filmit në Venecia?

Fatmirësisht, cikli po thyhet! 🤣

Unë nuk jam natyrë dramatike Prapë unë:

Aktori i madh Timo Flloko, tenori dhe soprano me famë botërore, Saimir Pirgu dhe Ermonela Jaho, u bënë bashkë në një mbrëmje të jashtëzakonshme në kalanë e Kaninës në Vlorë. “Yjet mbi Kaninë” është edicioni i dytë i një aktiviteti i konceptuar nga regjisorja e njohur Vera Grabocka, që nisi në Butrint dy vjet më parë. *E ftuar speciale e natës ishte Aurela Gaçe, e cila i zhveshi interpetuesit e mëdhenj nga “ngurtësia” e operës, për pak muzikë popullore vlonjate.

Një burrë shkaktoi zemërim në rrjet, pasi u kap nga kamera duke i rrëmbyer kapelen e tenistit polak, Kamil Majchrzak, nga duart e një tifozi të vogël në US Open. Skena e pahijshme ndodhi të enjten pasdite, ndërsa Majchrzak përshëndeste tifozët dhe shpërndante autografe pranë fushës, pas fitores epike me pesë sete kundër tenistit numër 9 në renditje, Karen Khachanov, sipas pamjeve të transmetimit live.

Gafa jemi, njerëz bëjmë😌

Rasti i saj u zvarrit për vite me radhë, derisa vetë Mbretëresha Viktoria ndërhyri dhe...

This and “kemi bukë n’shpi” 🤤