Bizhuteritë kanë qenë prej kohësh element që plotëson dhe zbukuron pamjen pa shumë mundim, ndërsa së fundmi bizhuteri të tjera po fitojnë popullaritet. 

Për shumë prej nesh, bizhuteria më e mirë është e përjetshme, klasike por moderne dhe mund të vishet ditën apo natën – në mënyrë që t'i shtojë elegancën dhe shkëlqimin çdo gjëje, nga fustanet deri te kombinimi bluzë dhe xhinse.

Tendenca e gjerdanit po fiton terren këtë sezon brenda dhe jashtë pasarelave duke u kthyer në bizhuterinë e preferuar të shumë vajzave. Kjo bizhuteri daton që para disa shekujve, por u bë shumë popullore në vitet '70.

Pasarelat pranverë/verë 2025 ishin të mbushura me referencat e viteve '70, si stoli gjerdani. Së fundmi ato po bëhen pjesë e përditshmërisë në një formë mjaft elegante, duke përmirësuar veshjet tona.