Kanye West bëri një deklaratë tronditëse që lidhet me ish-bashkëshorten e tij, Kim Kardashian. Në një intervistë të fundit, reperi deklaroi se ishte penduar që la Kim-in shtatzënë, pasi në të vërtetë ai nuk donte të kishte fëmijë me të.
West i bëri këto deklarata në një intervistë me DJ Akademiks.
"Ky ishte faji im. Nuk doja të kisha fëmijë me këtë person (Kim), por ky nuk ishte plani i Zotit," tha reperi.
West dhe Kim, të cilët ishin të martuar për gjashtë vjet nga viti 2014 deri më 2021, kanë katër fëmijë së bashku. Dyshja janë përplasur shumë herë publikisht që pas divorcit.
Kanye West sulmon familjen e Kim Kardashians
Deklarata vjen pasi West publikoi një këngë të re me Sean Diddy, ku shfaqej dhe vajza e tij, North West. Ishte pikërisht pjesëmarrja e North në të njëjtin klip me Sean Diddy që shkaktoi zemërim te Kim, e cila sipas zërave po mendon të marrë plotësisht kujdestarinë e fëmijëve.
P.Diddy ndodhet në burg ndërsa pret gjyqin për akuza mjaft të rënda që përfshijnë përdhunim të fëmijëve dhe jo vetëm.
Por, pas zërave se Kim mund të ndjekë rrugën ligjore për heqjen e kujdestarisë së West ndaj fëmijëve, ky i fundit ofendoi rëndë familjen Kardashian, duke i akuzuar për prostitucion.
Më shumë rreth konflikteve Kim-West:
