1 prilli quhet si Dita e Gënjeshtrave, por jo të gjithë e kujtojnë, ndaj bien pre e mashtrimeve. Këta fatkeqë ose e vuajtën ose bënë të tjerët të vuajnë. Ne kemi përmbledhur disa nga historitë më interesante të gënjeshtrave të thëna në këtë ditë.

1. "I thashë shefit që nuk vij në punë (për 1 prill) dhe kur shkova e gjeta me dashnoren. Që atëherë nuk gënjej më."

2. "I bëra një rreng të fejuarit me test shtatzënie, gjasme pozitiv e bërë me duart e mia. Më mori në FaceTime duke qarë nga lumturia dhe unë ndërkohë që i thoja se do ta abortoj pasi nuk jam gati. I thashë që jam shumë e vogël dhe i mbylla telefonin. Pas 20 minutash më vjen tek shtëpia me një tortë, ca tollumbace dhe shumë i lumtur. Pastaj kam qarë unë 1 orë sepse s'dija si t'ja thoja që po bëja shaka. Kur e mori vesh u ndamë nja 3 orë të mira se nuk bëhet shaka me këto gjëra."

3. "Kur isha studente, marr mamin në telefon dhe i them që ka rënë zjarr në konvikt dhe për ta bërë edhe më tragjike situatën i them që po futem të shpëtoj një vajzë se po bërtet e po digjet brenda. Pastaj i mbylla telefonin. Falë Zotit nuk i ka pushuar zemra se pas një ore i jam përgjigjur. Zoti më faltë."

4. "Unë i kam bërë një rreng dy djemve në Instagram ditën e 1 prillit. Nuk më njihnin dhe po kërkonin të më takonin (qartazi për seks). I thashë po të dyve, rezervova një dhomë hoteli dhe iu dhashë adresën. Unë nuk shkova. Ata menduan se do ishte takim çift, po gjithsesi ashtu iu doli, vetëm se ishin ata të dy. Më ka mbetur fiksim kush prej të dyve ka paguar dhomën."

5. Shefi na tha se do na rriste rrogën

6. Më thanë ra tërmet. Alarmova të shtëpisë kot.

7. Më tha që do ndahemi në një të natës dhe pasi qava, më mori në telefon dhe më uroi 1 prillin.

8. Më tha një shoqe që do hidhej nga pallati nëse unë nuk shkoja ta takoja.

9.  Gënjeva komshiun, i thashë që djalin ia kishin shtypur me makinë. Për pak sa s’vdiq.

10. Më thanë që shkolla do shtyhej deri në fund të korrikut.

11. Burri më tha që kishte marrë vesh se kishte një fëmijë një vjeç me dikë tjetër. Ne kemi pesë vjet bashkë.

12. Më tha kushërira që një tjetër kushërirë që jeton në Itali kishte dalë me Covid-19 bashkë me bebin.

13. Që më ka vdekur babi. Ishte gënjeshtra më idjote dhe më e tmerrshme.

14. E mora gjyshin me privat në telefon dhe i thashë kam marrë lekë nga pensioni jot. U çmend.

15. I thashë mamit që u ndava nga i fejuari.

16. I thashë të dashurit që jam e martuar.

17. I thashë mamit që babi e tradhtonte.

18. I thashë motrës që jam shtatzënë. I nisa një test shtatzënie te photoshop-uar. U gëzua pafund. M'u dhimbs ha ha.

Histori të treguara nga ndjekësit e Anabel Media në Instagram; Artikull i ripublikuar*