Leonardo DiCaprio ka bërë një ndryshim në pamje që e bën të duket shumë më i ri. Ylli 50-vjeçar u shfaq me një model flokësh ndryshe nga zakonisht në Festivalin CinemaCon 2025, që u mbajt të martën, më 1 prill, në Las Vegas. Aktori dukej edhe më i bukur se zakonisht, duke sfiduar vitet.
Adhuruesit e tij vërejtën se aktori ka lyer flokët dhe vetullat, pasi dukeshin më të errëta se zakonisht. Ndryshimi është minimal, por i jep fytyrës së tij një pamje më rinore.
Aktualisht, aktori është në lidhje me Vittoria Cerettti, e cila është 26 vjeç – 24 vjet më e re se ai.
Megjithatë, në tapetin e kuq u shfaq me koleget e filmit “One Battle After Another”, Teyana Taylor dhe Regina Hall. Traileri i filmit ka dalë tashmë dhe pritet të shfaqet në kinematë dhe platformat digjitale nga shtatori i vitit 2025.
Traileri zbuloi edhe subjektin e filmit: Kur armiku i lig rikthehet pas 16 vitesh, një grup ish-rebelësh ribashkohet për të shpëtuar vajzën e njërit prej tyre.
Benicio del Toro dhe Sean Penn, fitues të çmimeve Oscar dhe BAFTA, luajnë gjithashtu në këtë film, së bashku me Regina Hall, Teyana Taylor dhe Chase Infiniti, si dhe Wood Harris dhe Alana Haim. Paul Thomas Anderson është producent, së bashku me Andy Jurgensen dhe Sara Murphy, të cilët janë kandidatë për çmime Oscar dhe BAFTA, ndërsa producent ekzekutiv është Will Weiske. Kjo është hera e parë që Leonardo DiCaprio bashkëpunon me Paul Thomas Anderson.
Artikuj të sugjeruar:
