Kur nis lidhjen me partnerin, gjithçka duket e mrekullueshme. Nuk ngopeni me njëri-tjetrin, kaloni kohë bashkë dhe përpiqeni të jeni në komunikim të vazhdueshëm. Por tani, pas një martese të gjatë dhe ndoshta fëmijëve, e kupton se pasioni është zbehur.

Kjo nuk është diçka që ju ndodh vetëm juve. Hulumtimet tregojnë se intimiteti, besimi dhe aftësia për të folur me dikë për mendimet tuaja më të thella redukton stresin dhe ndjenjat e vetmisë. Megjithatë, monotonia mund të "vrasë" marrëdhëniet dhe shpesh të çojë në ndarje ose divorc.

Duhet përpjekje. Nuk ka vend më të mirë për të filluar këtë përpjekje sesa dhoma e gjumit.

Shkoni në shtrat në të njëjtën kohë

Ora e gjumit është një kohë e shkëlqyer për t'u lidhur me partnerin tuaj. Orari juaj i gjumit është një zgjedhje – nëse doni të largoheni nga partneri juaj, atëherë shikoni serialin tuaj të preferuar kur ai bie në gjumë ose kur punon. Ndërtimi i komunikimit kërkon të jeni në të njëjtin vend në të njëjtën kohë. Kështu që zgjidhni të shkoni në shtrat së bashku, në të njëjtën kohë.

Hiqni mënjanë pajisjet elektronike

Ju mund të mendoni se jeni duke komunikuar me partnerin tuaj me mesazhe dhe kjo është e vërtetë kur jeni larg njëri-tjetrit, por është tjetër ndjesi të përshkruash ditën tënde “sy më sy”. Lërini celularët jashtë krevatit, fikni njoftimet dhe shihni se komunikimi mes jush do përmirësohet menjëherë. Mos harroni: me komunikim të mirë, vjen dhe seksi i mirë.

Jepni puthjen e natës së mirë 

Çdo natë. Ky është një aktivitet që “zhduket” shumë herët në një lidhje dhe eshtë treguesi më serioz i përkeqësimit të marrëdhënies. Nëse nuk doni as ta puthni partnerin tuaj, atëherë çfarë po bëni me të? Pra, puthni njëri-tjetrin në  mëngjes e mbrëmje!

Burimi: Marie Claire