Datëlindja është një ditë që feston ekzistencën tuaj dhe do të duhej të ishte një nga ditët më të preferuara të vitit, por për shumë njerëz kjo nuk është e vërtetë. Ndërkohë që disa mezi presin këtë ditë për të festuar me dhurata dhe urimet e të afërmve, të tjerë kanë arsye të forta për të mos e pritur me gëzim. Ja pesë arsye pse disa njerëz e urrejnë ditën e lindjes së tyre:

Traumat e fëmijërisë:

Disa individë kanë kujtime të hidhura nga fëmijëria, për shembull prej prindërve që mund t’ua kenë injoruar këtë gëzim në vegjëli. Këto përvoja të këqija mund të lënë pasoja të thella që ndihen ende dhe në moshën e rritur.

Mungesa e një grupi mbështetës miqsh:

Shumë njerëz nuk kanë miq për të festuar datëlindjen dhe kjo mund të jetë një kujtesë e dhimbshme e boshllëkut social. Për këtë arsye, ata mund të përpiqen të fshehin zhgënjimin duke u  shtirur se nuk u intereson festa.

Ndjenja e pakëndshme kur je në qendër të vëmendjes:

Për disa, të gjithë sytë që janë të përqendruar te ta mund të shkaktojnë ankth dhe ndjenjë mbingarkese. Ata mund të preferojnë festime më të qeta dhe intime, larg nga vëmendja e tepërt.

Humbja dhe pikëllimi:

Datëlindja mund të sjellë kujtime të dhimbshme për ata që kanë humbur të dashur, si gjyshja që gjithmonë ishte e para për të uruar. Për shumë njerëz, kjo ditë është një kujtesë e dhimbshme për ata që nuk janë më, duke thelluar ndjenjat e humbjes dhe trishtimit.

Frika nga plakja:

Datëlindja mund të shërbejë si një kujtesë e kalimit të shpejtë të kohës dhe shqetësimeve për arritjet që nuk janë realizuar ende. Për disa, sidomos gratë, kjo mund të jetë një ditë që thekson presionet shoqërore rreth plakjes dhe kalimit të viteve.

Artikuj të sugjeruar:

^{Burimi: Your Tango}