Teoria e “ajrit të zyrës”? Diçka në mjedisin e punës ndikon negativisht në aplikimin e grimit dhe pamjen tonë të përgjithshme. Disa njerëz besojnë se është ndriçimi steril, qarkullimi i pamjaftueshëm i ajrit ose ngrohja e vazhdueshme, ndërsa të tjerë fajësojnë "energjitë e këqija të kolegëve".
Sido që të jetë rasti, vajzat e TikTok-ut janë lidhur me humor me njëra-tjetrën mbi përvojën e tyre të përbashkët të dilemës së “ajrit të zyrës”.
Disa thonë me shaka: "Lëkura ime duket gjithmonë e tmerrshme në punë, por e mahnitshme kur nuk jam atje", ose ia vënë përgjegjësinë "vampirëve të energjisë të maskuar si kolegë". Të tjerë madje kanë ofruar grim hap pas hapi "të qëndrueshëm ndaj ajrit të zyrës" për të zvogëluar dëmin.
Kjo ngre pyetjen: A është ajri i zyrës me të vërtetë problemi, apo është thjesht një çështje e produkteve që vendosim në fytyrë dhe flokë Apo mund të jetë një problem më i thellë, si një mjedis pune stresues i rrënuar nga orë të gjata ose një kolegë të këqij?
Diçka *është* në ajër
Sipas një dermatologeje, kalimi i pjesës më të madhe të ditës në zyrë mund të çojë në tharje të lëkurës dhe madje të përkeqësojë gjendjet si ekzema.
Ajo shpjegoi se ambientet e zyrave shpesh kanë lagështi të ulët për shkak të kondicionimit të vazhdueshëm ose ngrohjes qendrore dhe mungesës së ajrosjes për shkak të dritareve të mbyllura. Kjo çon në humbjen e lagështirës në lëkurë dhe flokë, duke kontribuar në thatësinë e përgjithshme.
Plus, pavarësisht se ndodhesh brenda, fytyra nuk është e sigurt nga dëmtimi i diellit kur je në punë. Depërtimi i UVA përmes xhamave dhe rrezeve të dukshme të dritës së diellit mund të arrijë në lëkurë dhe të çojë në plakje të parakohshme të lëkurës (vija, rrudha, njolla dielli ose njolla të mëdha).
Dermatologia thotë se ekspozimi i përsëritur ndaj këtyre kushteve të zyrës mund të çojë në shenja të ndryshme fizike. "Flokët do të humbasin shkëlqimin. Thonjtë mund të bëhen të brishtë. Buzët dhe duart mund të jenë veçanërisht të prirura ndaj dehidratimit, duke çuar në çarje," thotë ajo.
Si përfundim:
Edhe pse ajri i zyrës mund të jetë pjesërisht fajtor për reagimin e tronditur pas një selfie pune të improvizuar nën ndriçimin fluoreshent, është e qartë se ka një përzierje elementësh që janë faktorë. Aty përfshihet kujdesi për veten, produktet e përshtatshme dhe aplikimi i duhur i tyre që është më e rëndësishmja.
Ah, dhe po, të kënaqurit me thashethemet për "vampirët e energjisë" që janë faktorë për "shëmtimin" gjatë orëve të punës, është në fakt mekanizmi ynë i përballimit për gjithë faktet e pamohueshme më lart. ;)
Artikuj të sugjeruar:
Burimi: Bustle
