Dashuria është e duruar dhe dashuria është e butë, por ndonjëherë... ndpnjëherë të duhet të bëhesh pak krijuese që gjërat që zakonisht shkaktojnë sherr mes çifteve, t'i manovrosh në të tjera mënyra.
Nëse s'po e kupton ende vizionin, lexo truket që përdorin këto gra të mençura për të shmangur debate të mundshme me partnerët e tyre:
1. "I shpik histori për gjëra që 'bën' një 'burri i shoqes time' dhe i them: 'Shyqyr që ti s'e bën kurrë këtë gjë,' kur në fakt janë gjëra që ai i bën dhe mua s'më pëlqejnë. Pas kësaj, s'i përsërit më ato veprime."
2. "Vendos gjithmonë të njëjtin parfum kur dua të dal për tv blerë gjëra dhe tani, pas 10 vitesh martesë, sa ndjen parfumin, e kupton vetë sinjalin."
3. "Unë hedh një parfum të caktuar sa herë që dua të kryejmë marrëdhënie. Një herë e vendosa gjatë një feste familjare dhe po i ikte truri. ;)"
4. "Kur s'gjen dot diçka që e ka para syve dhe kërkon ndihmën time, e bëj të më blejë një libër. Pak të thuash që kam një bibliotekë të pasur tani."
5. "I them gjithmonë me shaka: 'Duhen bërë enët dhe duhet të bëjmë seks. Kam energji vetëm për njërën.' I lan gjithmonë enët në kohë rekord."
6. "Në shtëpi gatuaj unë. Kur s'është i mirë ushqimi, i kam thënë në fillim se doli ashtu prej mërzitjes që më dha për x gjë. Kur ndodh dhe herë tjetër, e kupton vetë që më ka mërzitur për diçka dhe korrigjon veten. Lum si unë që ndonjëherë ushqimi më del i keq edhe rastësisht. :)"
7. "Kur lindëm fëmijën e parë, për të mos bërë zhurmë, ziheshim me shenja. Kur i drejtoja gishtat në formë pistolete, e kuptonte që më kishte nevrikosur keq. Djali është rritur tani, po unë e përdor sërish si taktikë. Funksionon çdo herë."
8. Kur jam e mërzitur, bëjmë një lojë sikur jemi të panjohur dhe nisim të flirtojmë. Për shembull, e shoh në kuzhinë dhe i them: 'Po ti ç'e mirë të solli këtu? Ti e di që burri im nuk është në shtëpi apo jo?' Di gjithmonë të ma mbajë lojën."
9. "Kur ia var fare punëve të shtëpisë, filloj dhe unë të mos bëj asgjë. Enët kapicë, rrobat e palara të qelbin. S'ia përmend fare. E kupton vetë dhe fillon të pastrojë."
10. "Kur kemi ndonjë gjë për të blerë, i tregoj në fillim më të shtrenjtën dhe bëj sikur është ajo që dua. Pastaj, i tregoj atë që dua vërtet, që është më e lirë se e para, po jo më e lira që mund të gjesh."
11. "Sa të rrimë të bëhemi përsëritës, kur na bezdis diçka që s'është bërë në shtëpi, thjesht i vendosim një elefant lodër sipër. Kështu pra, i tregojmë njëri-tjetrit 'elefantin në dhomë', pa debate të lodhshme."
12. "U kemi vendosur nga një emër mendimeve tona gjykuese. Për shembull, s'i them 'Shumë e shëmtuar kjo bluza', po i them 'Mimoza mendon se kjo bluzë nuk të shkon'. Situata bëhet shumë argëtuese."
13. "Gjatë debateve të kota, vendosim kapele ditëlindjesh në kokë. Si mund të zihesh seriozisht me një kapele qesharake ditëlindjeje në kokë?"
14. "Më pëlqen t'i them: 'A e di çfarë adhuroj unë te ti?' dhe i listoj cilësi që dua t'i ketë. Duke i besuar, fillon t'i bëjë realitet. Funksionon për mrekulli."
15. "Tingëllon e rëndë, po u divorcova që të më merrte mv seriozisht. U rimartuam gushtin e kaluar."
Artikuj të sugjeruar:
Burimi: Buzz Feed
