Nëse nuk jemi me fat, punët tona dhe politika e zyrës që vjen me to mund të përbëjnë pesë ditë lodhjeje në javë. Miqësitë me kolegët tanë mund të jenë një bekim, por kur bëhet fjalë për "gruan e punës" ose "burrin e punës", këto marrëdhënie mund të bëhen shumë të ndërlikuara, shumë shpejt.

Një avokat divorci ndau pesë shenja që tregojnë se marrëdhënia juaj me kolegun i ka kaluar shumë kufijtë.

Komunikimi preferencial:

Nëse instikti juaj i parë është t'i dërgoni një mesazh kolegut/es në vend të partnerit/es tuaj për lajme të rëndësishme, arritje ose shqetësime, ky është  një flamur i kuq. Kjo është një "pabarazi intime" dhe tregon që diçka nuk është në rregull në marrëdhënien tuaj dhe lidhja me "bashkëshortin/en e punës" i ka kaluar kufijtë.

Krahasimi i partnerit/es me kolegun/en e punës:

Nëse e gjeni veten duke bërë krahasime mendore ose verbale mes mënyrës si kolegu/ia dhe partneri/ja i trajtojnë situatat, kjo është një rrugë e shpejtë për të krijuar mllef. Edhe më keq, këto krahasime shpesh janë të padrejta, pasi situatat që përballoni me "bashkëshortin/en e punës" janë tërësisht ndryshe nga ato si përgjegjësitë financiare ose vendimet për prindërimin që përballoni me partnerin/en e vërtetë.

Diskutimi i problemeve martesore me kolegun/en:

Nëse besoni tek kolegu/ia i/e punës për çështje të martesës suaj, krijoni një trekëndësh të rrezikshëm që mund t'ju largojë emocionalisht nga partneri/ja dhe të krijojë një intimitet të papërshtatshëm me kolegun/en.

Fshehja e komunikimeve:

Nëse ndiheni të detyruar të fshini mesazhet, të fshihni bisedat, ose të mbani në fshehtësi masën e marrëdhënies me kolegun/en e punës, ka ndodhur diçka serioze. Ky është një sinjal që kufijtë janë kaluar.

Ndjenjat e xhelozisë për jetën personale të kolegut/es:

Nëse ndiheni xhelozë për marrëdhënien dhe jetën e kolegut tuaj të punës, atëherë keni kaluar disa kufij. Ky është një "sinjal i rëndësishëm" që marrëdhënia ka kaluar përtej kufijve të pranueshëm dhe është koha për të rregulluar gjërat.

Artikuj të sugjeruar:

Burimi: Your Tango