Fillojnë përgatitjet për funeralin e Papa Françeskut

Kanë nisur përgatitjet për ceremoninë e varrimit të të ndjerit Papa Françesku, i cili do të varroset në Bazilikën e Shën Marisë Major në Romë.

Vdekja e një pape shkakton një seri ritesh dhe traditash të planifikuara me përpikëri që caktohen shumë përpara se të fillojë konklava për të zgjedhur pasardhësin e tij.

Këto ngjarje solemne nisin me konfirmimin zyrtar të vdekjes së tij, pasuar nga shfaqja publike e trupit, duke lejuar besimtarët të bëjnë nderimet e fundit.

Vitin e kaluar, Papa Françesku reformoi ritet që do të përdoreshin për funeralin e tij, duke synuar të përputhej me praktikat moderne teologjike dhe baritore, duke nderuar dhe mbështetur traditat e kahershme të Kishës.

Zelensky: Ukraina është e gatshme për bisedime me Rusinë

Presidenti ukrainas, Volodymyr Zelensky deklaroi se Ukraina do të jetë e gatshme të zhvillojë bisedime me Rusinë, pasi të jetë vendosur një armëpushim dhe luftimet të jenë ndalur.

“Ne jemi të gatshëm të themi se, pas një armëpushimi, do të ulemi në çdo tryezë bisedimi”, deklaroi Zelensky në konferencën në zyrën presidenciale në Kiev.

Udhëheqësi ukrainas u tha gjithashtu gazetarëve në një konferencë të martën, se një delegacion ukrainas që takohet me zyrtarë nga vendet perëndimore në Londër të mërkurën, do të diskutojë një armëpushim të plotë ose të pjesshëm, raporton Reuters.

Ministria e Shëndetësisë në Gaza mohon manipulimin e shifrave të numrit të vdekjeve

Të paktën 51,266 njerëz janë vrarë në 18 muaj që nga fillimi i luftës në Gaza, sipas Ministrisë së Shëndetësisë të drejtuar nga Hamasi, me gati një të tretën e viktimave të raportuar nën moshën nën 18 vjeç.

Izraeli ka kundërshtuar vazhdimisht saktësinë e listës së viktimave palestineze - për sa i përket numrit të përgjithshëm, dhe në veçanti, ndarjes demografike - duke pretenduar se ajo përdoret si propagandë e Hamasit. Shifrat citohen nga agjencitë e OKB-së dhe gjerësisht në media, duke iu atribuar Ministrisë së Shëndetësisë vendase.

Në përgjigje, autoritetet në Gaza kanë mohuar në mënyrë kategorike manipulimin e shifrave të viktimave nga lufta.

Sulm i armatosur në Indi: Vriten 26 persona dhe plagosen dhjetëra të tjerë

Disa të armatosur vranë të paktën 26 persona dhe plagosën shumë të tjerë në një sulm të dyshuar si terrorist.

Ngjarja u regjistrua në rajonin Kashmir, Indi, duke shënuar një sulm të rrallë të kësaj natyre. Autorët kishin si objektiv turistët në një destinacion të njohur turistik në Pahalgam, në rrethin malor Anantnag, dhe është cilësuar si sulmi më i keq i rajonit ndaj civilëve në vite.

Pjesa më e madhe e viktimave raportohet se janë pushues.