Të gjithë jemi shumë të vetëdijshëm për rreziqet që vijnë nga injorimi i problemeve që lidhen me shëndetin mendor. Neglizhimi i ndihmës profesionale mund të vijë me një kosto të lart për këdo, por megjithatë, të shumtë janë njerëzit që shkojnë te psikologu për të kërkuar ndihmë. Këtë herë do të flasim për burrat dhe disa nga “rrëfimet” e tyre që lidhen me martesën.

Por për çfarë flasin ata në terapi? Përgjigjen e japin disa ekspertë të shëndetit mendor.

Ankesat që burrat i ndajnë fshehurazi në terapi:

1. "Partnerja ime është shumë kritikuese'

Kur sjelljet, stili i jetesës, vlerat, zgjedhjet dhe karakteri i një burri kritikohen vazhdimisht, kjo shkakton shqetësim të thellë te ai dhe reflektohet edhe në martesë. Kritikimi i vazhdueshëm nga partnerja sjell përçmim, mungesë respekti dhe ndonjëherë urrejtje.

Edhe kur burri përpiqet të ndryshojë sjelljen për të cilën kritikohet, përpjekja e tij shpesh nuk vlerësohet dhe shoqërohet me "po, por…" duke kaluar menjëherë te një kritikë tjetër.

Lajmi i mirë është se kjo sjellje mund të trajtohet. Burrat duan të ndihen të vlerësuar, të admiruar dhe të kuptuar.  Komunikimi i shëndetshëm mund të kthejë kritikat në lavdërime — dhe aty fillon shërimi i marrëdhënies.

— Dr. Susan Pazak, psikologe klinike 

2. “Partnerja gjykon padrejtësisht zgjedhjet e mia”

Në një artikull në "Psychology Today", Dr. Harriet Lerner shkruan: “Askush nuk mund ta ketë një martesë të lumtur nëse ndihet më shumë i gjykuar sesa i admiruar.” 

Ndonjëherë, burrat ndihen më shumë të gjykuar se të vlerësuar, gjë që është shkatërruese për marrëdhënien. Për burrat, çdo koment mbi sjelljen përkthehet si koment mbi vlerën e tyre si individë.

Shumica e çifteve nuk përpiqen të kuptojnë motivet e partnerit para se të reagojnë ndaj sjelljeve. Një ndryshim i thjeshtë por i rëndësishëm është: pyesni mbi motivet e tij për të kuptuar se përse ka bërë një zgjedhje të caktuar para se të nxirrni përfundime.

3. Mungesa e intimitetit

“Si psikologe që trajton trauma, shoh shpesh që mungesa e intimitetit është një nga temat kryesore për të cilën burrat flasin në terapi. Për burrat, intimiteti është zakonisht një akt fizik që sjell afërsi emocionale. Për gratë, është një përjetim emocional që përfshin edhe aspektin fizik.”

Kjo do të thotë se ata kanë pikëpamje të ndryshme dhe mund të mos kuptohen. Nëse gruaja është e stresuar nga jeta, puna, fëmijët, shtëpia apo problemet familjare, ajo ndjen më pak afërsi emocionale dhe rrjedhimisht ka më pak dëshirë për intimitet.

Burrat ndihen të refuzuar dhe të padëshiruar, ndërsa gratë ndihen të lodhura dhe të detyruara. Terapia ndihmon në rindërtimin e komunikimit dhe rikujtimin e qëllimit që i bashkoi që në fillim.

— Dr. Patricia O’Gorman, psikologe dhe autore

Burimi: Psychology Today