Tema e Met Gala këtë vit, "Superfine: Tailoring Black Style" u frymëzua nga libri i Monica L. Miller i vitit 2009, “Slaves to Fashion: Black Dandyism and the Styling of Black Diasporic Identity”. Shumë nga të ftuarit në këtë event u përpoqën të krijonin një paraqitje sa më të përshtatshme me temën, por dukej se në mesin e shumë stileve të ndryshme, një element mbetej i njëjtë.
Bëhet fjalë për “kiss curls”, kaçurrela të vogla të ngjitura pas ballit, një element që përshtatej më së miri me temën.
Çfarë janë “Kiss Curls”?
Nëse po pyesni veten se çfarë janë “kiss curls”, bëhet fjalë për fijet e flokëve “të ngrira” dhe të vendosura me kujdes mbi ballë në formë të harkuar. Ngjasojnë me “baby hairs” e stiluar në skajet e ballit, por në këtë rast përfshihen vetëm disa fije, madje ndonjëherë vetëm një e vetme, duke krijuar një efekt elegant dhe klasik. Ky stilim flokësh u bë i famshëm nga Josephine Baker në vitet 1920, prandaj nuk është çudi që u rikthye fuqishëm në tapetin e kuq të kësaj nate.
"Kiss curls" përshtaten me çdo model flokësh: nga topuzët, te prerjet pixie apo gërshetat voluminoze. Kjo i bën perfekte për evente si Met Gala, ku kreativiteti nuk ka kufij.
Megjithatë, gjasat janë që ky stil nga tapeti i kuq i Met Gala të kthehet në tendencë edhe për përditshmëri.
A duken bukur? Mjafton të shikoni look-un e Simone Biles, Dua Lipa dhe Sydney Sweeney, dhe shumë të tjerëve që e interpretuan këtë stil me shkëlqim dhe origjinalitet.
Artikuj të sugjeruar:
