Melania Trump shpesh përdor veshjen dhe grimin si një formë eksperimentimi dhe vetëshprehjeje. Zonja e Parë e SHBA-së ka krijuar disa paraqitje ikonike që e kanë dalluar stilin e saj, përfshirë veshjen e inaugurimit të vitit 2025. Por ashtu si veshjet, edhe grimi i Melania-s ka kaluar nëpër faza të ndryshme, duke reflektuar transformimin e saj gjatë viteve.
Në daljet e saj më të fundit publike, ajo zgjedh pamje më të guximshme. Megjithatë, kur sapo kishte nisur të bëhej figurë publike, Melania preferonte versione më natyrale të grimit.
Grimi natyral i viteve të hershme
Gjatë një paraqitjeje në vitin 1999 në Monako, Melania u shfaq me një fustan rozë elegant dhe një grim shumë të lehtë.
Në vitin 2000, gjatë një eventi për Ditën e Nënës në Mar-a-Lago, ajo u shfaq me një pamje “sun-kissed”, duke u dukur e freskët dhe rinore. Make up i saj përfshinte buzë me një nuancë natyrale dhe një grim të lehtë që theksonte formën natyrale të syve, një pamje perfekte për një ditë vere.
Nga natyrale në glam
Një tjetër paraqitje e paharrueshme ishte në eventin “Woman of the Year Luncheon” në New York. Këtë herë, Melania kishte zgjedhur një bazë perfekte, vetulla të konturuara lehtë dhe një buzë në nuancë rozë të zbehtë. Sytë e saj blu binin në sy falë një vijëzimi delikat lapsi dhe pak rimel, një shembull i pastër i grimit minimalist me efekt maksimal.
Ndërkohë, në të tjera dalje ajo është shfaqur me atë që i referohemi si grim i rënduar.
Rikthimi te grimi klasik
Në një event të mbajtur në prill 2002 për fëmijët me AIDS, Melania u shfaq me një topuz të çrregullt dhe një grim më të thjeshtë se zakonisht. Dukej se ishte kthyer te stili i saj i hershëm: buzë rozë, shumë pak tonsysh dhe peneli klasik.
Grimi i saj kishte një bazë të njëtrajtshme dhe të përsosur, një pamje që sot do të përshkruhej si “soft glam”.
Ndër vite, Melania Trump ka kaluar nga grimi natyral e i viteve ’90 në një stil më të rafinuar dhe glamuroz, duke treguar që eleganca vjen në shumë forma, nga minimalja tek maksimalja.
Ndarja në dy “kampe”
Por, këto ndryshime ndër vite nuk kanë kaluar pa u vërejtur nga njerëzit, të cilët duket se janë ndarë në 2 kampe, në komentet e tyre në rrjete sociale.
Një pjesë mendojnë se grimi glamuroz i përshtatet më së miri stilit të saj, veshjeve që gjithmonë “rrëmbejnë” vëmendjen, apo edhe eventeve, ku Melania merr pjesë.
Nga ana tjetër, disa mendojnë se ajo nuk ka nevojë për aq shumë grim, i cili padashur mund të bëjë që tiparet e saj të mos duken aq bukur. Sipas komentuesve, grimi natyral i përshtatet më së mirë portretit të Melania-s dhe e bën të duket shumë më të re.
