Dikur të konsideruara si simboli i këpucëve "anti-modë", Birkenstock tani e ka konsoliduar statusin e saj si një këpucë klasike dhe një zgjedhje me stil, pranojeni ose jo.
Përveçse vishen pa frikë nga influencuesit dhe të famshëm me stil, marka ka bashkëpunuar me emra të mëdhenj të modës si Dior, Fear of God, Valentino dhe Manolo Blahnik. Nëse je këtu, ekzistojnë 2 mundësi, ose zotëron pesë palë të tilla, ose nuk e duron dot pamjen e tyre.
Nëse je një nga këta personat e dytë, na lejo të të themi se një nga gjërat më të mira për një palë Birkenstock është që gjithmonë ka mënyra të reja për t’i kombinuar.
Këto këpucë janë po aq të shumëllojshme sa janë të rehatshme, ndaj do të kesh frymëzim për veshje për ditë të tëra. Për më tepër, marka gjermane - që e ka origjinën që nga shekulli i 18-të - ofron një mori modelesh Birkenstock në materiale të ndryshme.
Nëse ende s'je bindur për mrekullinë dhe prakticitetin e këtyre këpucëve, më poshtë të tregojmë një kombinim jo fort të zakontë që u bëri dhe Olta Gixhari, së cilës pa frikë mund t'i drejtohesh për frymëzime në lidhje me stilin:
Olta ka zgjedhur një fustan në ngjyrë rozë të lehtë dhe do të kishte kuptim që ta kombinonte me një palë këpucë me takë në ngjyra po aq të hapura dhe verore. Megjithatë, kthesa surprizuese me një palë Louis Vuitton që janë super të ngjashme me Birckenstoks në ngjyrë kafe të errët dhe material lëkure, rezultoi një kombinim po aq fantastik!
Artikuj të sugjeruar:
- Si të krijoni garderobën kapsulë perfekte të verës
- Ju duhen vetëm 2 produkte për të krijuar bazën e grimit në plazh
- Sipas pasarelave të modës, këto janë të vetmet bikini që ia vlen të blini
- Disa ide për ta transformuar këtë veshje nga bazike në super elegante
- Porositet me qejf, kthehet pa mëshirë – kjo qenka ngjyra më 'problematike' në veshje
