Gruaja me pseudonimin “Jane”, ish-e dashura e Sean "Diddy" Combs, të quajtur ndryshe P. Diddy, ka vazhduar ditën e sotme dëshminë tronditëse në gjykatë mbi marrëdhënien e tyre. 

“Nuk dua të jem l*virja jote për të miliontën herë”

Gjithçka nisi kur Jane tregoi për një udhëtim me jaht në Miami, ku i ishte “premtuar një shpërblim” pas një nate seksi në hotel me kërkesë të Diddy-t. Por në fund, Diddy shkoi me një tjetër grua, ndërsa Jane e pa gjithçka në rrjetet sociale. E zemëruar, i shkruajti Diddy-t:

“Nuk dua të jem l*virja jote për të miliontën herë. Nuk dua të përdorem për të përmbushur fantazitë e tua.”

Ai iu përgjigj:

“Jam lodhur nga akuzat e tua të rreme. Nuk kam bërë seks me askënd.”

“Po bëj gjëra që më bëjnë të ndihem e neveritshme me veten”

Jane deklaroi në gjykatë se Diddy vazhdonte t’i paguante qiranë edhe pas ndarjes, gjë që e bënte të ndihej “nën presion” për të kryer seks.

“Më dukej sikur duhet të kryeja marrëdhënie vetëm për të pasur një çati mbi kokë,” tha ajo.

Në një mesazh, i shkruan:

“Po bëj gjëra që më bëjnë të ndihem e neveritshme me veten. Nuk dua të ndihem më kështu.”

Diddy i përgjigjet shkurt:

“Lëri dramat, vajzë.”

Seks me eskortë përpara Diddy-t, pasi mori ekstazi në hotelin “Trump”

Pasi debatuan përmes mesazheve, Jane udhëtoi drejt New York-ut për ta takuar. Ai i premtoi darkë dhe shopping, por në avion i dërgoi një mesazh:

“Dua një 'natë hoteli'.”

Ai e paralajmëroi për një “surprizë”, një eskortë mashkull që e priste në hotel. Ajo përfundoi duke kryer seks me të, në praninë e Diddy-t. Më vonë, ai çoi të njëjtin eskortë në Miami për një "raund të dytë" sepse “ishte shumë i kënaqur nga performanca”.

“Jam e lodhur nga seksi pa dashuri – është një luftë brenda meje”

Në tetor 2023, Jane tha se kishte arritur një pikë shpërthimi.

“Seksi është i shenjtë për mua. Ndihesha sikur duhej të fitoja dashurinë e tij me akte që më thyenin shpirtin.”

Në mesazhet që tregoi në gjykatë, ajo i thoshte:

“Nuk dua të jem e bllokuar në seks pa dashuri. Nuk dua të bëj më seks me burra të tjerë për ty.”

Gjatë dëshmisë, ajo fshinte lotët me kokën ulur.

“Ti më trajton si kafshë”

Jane rrëfeu se Diddy e manipulonte emocionalisht për të marrë atë që donte – i bënte dhurata dhe e mbushte me dashuri të rreme (“love bombing”), vetëm kur kishte qëllime seksuale. Në një mesazh, ajo i shkruan:

“Nuk dua të bëj seks me të huaj për të përmbushur fetishet e tua. Ti më trajton si kafshë.”

Diddy e quante “të çmendur” dhe ndërkohë ftonte gra të tjera në udhëtime, ndërsa e detyronte atë të kryente “gjërat e pista”, siç përshkruhet në bisedat e paraqitura në gjykatë.

Natë tmerri në hotel: seks me tre burra, vjellje dhe poshtërim

Në një nga rrëfimet më tronditëse, Jane tregon për një natë në “The Hermitage Hotel” në Los Angeles, ku ajo thotë se kreu marrëdhënie seksuale me tre burra.

Ajo e përshkruan si një “festë pa drogë”, por pas aktit, përfundoi duke vjellë.

“Ndihesha tmerrësisht keq,” tha ajo. Sipas saj, Diddy më pas i ishte afruar dhe e kishte urdhëruar të kthehej në "festë".

Artikuj të sugjeruar: 

_{Burimi: Sky News}