Mbrëmja në fakt nisi me një performancë shumë të bukur që banorët përgatitën me rastin e 18-vjetorit të pavarësisë së Kosovës. Vazhdimi pastaj s’ka shumë emocione.
#1. Miri dhe Selin liderë të poleve të tyre?
Zhbirësimi i Selinit prej Mirit qe goxha i thjeshtë dhe ish-babi me ish-gocën janë bërë armiq të përbetuar tani.
Miri, i njëjti person që thoshte se me Selinin kuptohej me një shikim, tani thotë se s’e paska njohur mirë vajzën dhe u përpoq të bindë publikun, banorët e tjerë, edhe veten ndoshta, që është ndarë përfundimisht nga Selin.
Ndryshe nga Miri, kjo e fundit mohoi pretendimin se ishte lidere e polit kundër Mirit. Miri nga ana tjetër, dukej më entuziast (khëm-khëm, i dëshpëruar) për krijimin e ushtrisë së vet sa shkoi për të krijuar aleancë edhe me Rogertin.
Muhabeti i grupimeve, (që ç’rëndësi ka për t’u diskutuar e qartësuar për publikun s’e kuptojmë) zgjati fjalë për fjalë për gjysmën e mbrëmjes, pra 2 orë e 30 minuta. Ndoshta duhen qartësuar polet meqë nuk u referohemi dot me ngjyrat e divanit, si vitin e kaluar. Sugjerojmë të përdorim krahët e divanëve kësaj radhe, divani i majtë, divani i djathtë, sepse qartazi kjo është ndarja.
#2. Më në fund pak kohë për çiftin e vërtetë të Big-ut
Që është Mali me Stenaldon.
Dostë për kokë siç tha Mali dhe të bashkuar prej përvojave të ngjashme ne jetë më shumë sesa prej mendimeve, siç tha Stenaldo.
Bromanca po bën namin së fundmi dhe shpresojmë që ky të jetë vërtet model për djemtë dhe burrat jashtë sepse është e bukur. Kaç. :)
#3. Stenaldo surprizohet nga vëllai
Nëse je konfuzuar dhe nga kjo histori, mirë se erdhe në grup.
Me sa u nënkuptua, Stenaldo dhe Joeli janë vëllezër nga nëna. Ata, si Stenaldo, si mamaja, kishin shumë vite pa u takuar me të, pasi ai jetonte në Itali me hallën e vet, pa e qartësuar arsyen pse.
Gjatë pushimit Stenaldo u duk shumë i prekur prej surprizës:
#4. Eliminohet Ina
Dhe më i gëzuari u duk Ledioni për këtë fakt.
#5. Rogerti ushtron profesionin e gazetarit
Si gazetar sportiv, Rogertit ia lyp profesioni që të pyesë Kristin, Alession dhe Malin nëse janë homoseksualë ose jo. Mos na gjykoni ne për këtë vijë logjike, kështu tha Rogerti se arsyetonte.
Në mes të gjithë këtij diskutimi banal që të shkatërron shpirtin rinor, Kristi e hëngri presionin dhe deklaroi se s’është homoseksual. Urime atëherë Krist?
#6. Mateo shpallet i preferuari i publikut
Dhe zgjedh 5 banorë për t’u dhënë imunitet për të shtunën: Dj Gimbo, Shëndriti, Greta, Kristi, Brikena.
Gjithë pjesa tjetër e shtëpisë ishte e nominueshme. Nominimet u bënë të hapura.
#7. Televotimi i radhës
Miri, Selin, Mali, Marko, Juela dhe Rogerti. Emrin që s’e lidhni dot me një fytyrë, me siguri do e përcjellim të shtunën.
