Pas muajsh të mbushur me dinamika, “Ferma VIP 3” ka hyrë zyrtarisht në javën e finales. Mbrëmjen e djeshme u kompletua lista e pesë konkurrentëve që do të garojnë për çmimin e madh, duke vulosur kështu fazën më të rëndësishme të këtij edicioni.
Finalistja e parë u shpall disa ditë më parë dhe ishte Mimoza Ahmeti, e cila siguroi vendin në finale falë votave të publikut. Poetja dhe shkrimtarja ka qenë pa dyshim një nga personazhet më të komentuara të sezonit, duke tërhequr vazhdimisht vëmendjen me deklaratat, debatet dhe mënyrën e saj krejt të veçantë të të qenit brenda fermës.
Ndërkohë, në spektaklin e mbrëmshëm u zbuluan edhe katër finalistët e tjerë që do të luftojnë për trofeun e “Ferma VIP 3”. Ata janë:
DJ Bujaka
Soni Malaj
Elvis Pupa
Ilir Shaqiri
Tashmë gara hyn në fazën vendimtare. Fituesi i “Ferma VIP 3” do të përcaktohet nga votat e publikut dhe televotimi është zyrtarisht i hapur. Kjo do të thotë se nga ky moment e deri në natën finale, çdo votë mund të bëjë diferencën mes triumfit dhe humbjes.
Finalja e madhe do të mbahet më 15 qershor, ditën e hënë, kur publiku do të mësojë emrin e personazhit që do të rrëmbejë çmimin e madh të këtij edicioni.
