A ke përqendrim dhe fokus të jashtëzakonshëm? A je nga ata që gjithmonë e gjen “Waldo”-n ose objekte të fshehura në foto? Ja një test i shpejtë me enigma i zhvilluar nga Universiteti “Johns Hopkins” që mund të të tregojë sa i aftë je realisht në përpunimin e informacionit brenda vetëm 10 sekondave.
Testet vizuale të inteligjencës, të cilat zakonisht kërkojnë gjetjen e objekteve të fshehura në figura apo skena, nuk janë vetëm argëtuese, por mund të përdoren edhe si mjete për relaksim dhe stimulim mendor. Sipas një studimi nga Universiteti Teknologjik “Nanyang” në Singapor, lojërat me objekte të fshehura mund të ndihmojnë në mbajtjen e mendjes të mprehtë. Ato kërkojnë që personi të fokusohet te detajet, të mbajë mend vendndodhjen e objekteve dhe të mendojë në mënyrë strategjike.
Shiko testin më poshtë dhe përpiqu të gjesh shkronjën “T” të fshehur mes shumë shkronjave “L”.
Do të të japim edhe një ndihmë për ta bërë më të lehtë: shkronja “T” nuk është e kuqe. Nëse e gjen brenda 10 sekondave, do të thotë se je i talentuar (dhe vërtet i veçantë).
Si shkoi? Je gati për “kampin e gjeniut”?
Nëse ende nuk e ke gjetur “T”-në, nuk ka problem. Ja përgjigjja:
Ky test i veçantë është krijuar nga një ekip në Universitetin “Johns Hopkins”, ku studiuesit në Institutin për Shkencën e të Nxënit zbuluan se të dish çfarë të injorosh është shumë e dobishme.
Rezultatet e studimit “Zbutja e ‘ariut të bardhë’: kostot fillestare dhe përfitimet e mëvonshme të frenimit të shpërqendruesve” treguan se kur njerëzve u jepet kohë të mësojnë çfarë duhet të injorojnë para se të fillojnë, ata gjejnë më shpejt dhe më me efikasitet.
“Individët që injorojnë në mënyrë të vetëdijshme informacionin shpërqendrues përmirësojnë performancën në kërkimin vizual, një aftësi kritike për profesionistë si radiologët dhe kontrollorët e bagazheve në aeroporte”, tha autori kryesor Korbin A. Cunningham. “Kjo punë mund të ndihmojë profesionet që mbështeten te kërkimi vizual, duke ndikuar në programet e ardhshme të trajnimit.”
Gjatë dy eksperimenteve, pjesëmarrësve iu kërkua të kërkonin shkronja të caktuara në një ekran kompjuteri.
Ata duhej të gjenin ose shkronjën e madhe “B” ose “F” mes shkronjave të tjera me ngjyra të ndryshme. Ndonjëherë u thuhej që “B” ose “F” nuk do të ishte një ngjyrë e caktuar, dhe herë të tjera nuk merrnin asnjë sugjerim.
Kur pjesëmarrësve u thuhej të injoronin një ngjyrë të caktuar, në fillim ishin më të ngadaltë. Por me praktikë, ata filluan t’i gjenin shkronjat më shpejt se ata që nuk kishin asnjë udhëzim për të eliminuar shpërqendrimet.
Në fakt, studimi tregoi se sa më shumë informacion të mund të injoronin, aq më shpejt gjenin objektin e kërkuar. Kjo tregon se aftësia për të injoruar shpërqendrimet është një pjesë e rëndësishme e përqendrimit.
“Vëmendja zakonisht shihet si diçka që rrit përpunimin e objekteve të rëndësishme në botë,” tha bashkautori Hovard Egeth, profesor i psikologjisë dhe shkencave të trurit në Universitetin “Johns Hopkins”. “Ky studim tregon rëndësinë e shtypjes aktive të stimujve konkurrues. Është ajo që unë e quaj ana e errët e vëmendjes.”
Në fakt, studimi zbuloi se sa më shumë informacion të injoronin pjesëmarrësit, aq më shpejt gjenin shkronjat e synuara. Kjo tregon se aftësia për të filtruar shpërqendrimet është një pjesë kyçe e inteligjencës dhe përqendrimit.
