Prej muajsh, fansat kanë spekuluar se Taylor Swift dhe Travis Kelce janë martuar, por raportimet e fundit theksojnë se planet e çiftit kanë pësuar një ndryshim të papritur.
Sipas TMZ, çifti kishte planifikuar fillimisht të martohej më 13 qershor në Rhode Island, pranë rezidencës së këngëtares. Megjithatë, organizimi thuhet se u anulua pasi detajet e vendndodhjes u bënë publike.
Burime pranë tyre pretendojnë se ceremonia ishte planifikuar të zhvillohej në Ocean House, një resort luksoz me pesë yje pranë shtëpisë së Taylor Swift në Rhode Island. Pas rrjedhjes së informacionit, thuhet se dyshja vendosën të ndryshojnë planet dhe të kërkojnë një alternativë më private.
Swift dhe Kelce po shqyrtojnë mundësinë e organizimit të festimeve në Madison Square Garden në New York më 3 korrik. Megjithatë, sipas të njëjtave burime, ceremonia e martesës mund të mos zhvillohet aty, por në një vend më intim dhe larg vëmendjes së publikut.
Ndërkohë, revista Star raportoi se ndryshimet e vazhdueshme të datave dhe lokacioneve kanë shkaktuar stres të konsiderueshëm për çiftin. Madje, ë gjithë të ftuarit, përfshirë familjarët dhe miqtë e ngushtë, janë detyruar të firmosin marrëveshje të rrepta konfidencialiteti për të shmangur rrjedhjen e informacioneve.
Kjo nuk është hera e parë që çifti përballet me probleme të tilla. Më herët, Daily Mail raportoi se Taylor Swift kishte zgjedhur të mos ndante shumë detaje rreth organizimit të dasmës me babanë e Travis, Ed Kelce, nga frika se informacioni mund të bëhej publik.
Burimet pretendojnë se Ed Kelce kishte zbuluar më parë detaje rreth fejesës së çiftit, përfshirë mënyrën dhe rrethanat e propozimit, gjë që ka shtyrë Taylor dhe Travis të tregohen edhe më të kujdesshëm me planet e tyre.
Pavarësisht spekulimeve të shumta, as Taylor Swift dhe as Travis Kelce nuk kanë komentuar publikisht raportet mbi dasmën e tyre.
