"Më mori burrin": Zhaku i përgjigjet deklaratave të Mimoza Ahmetit

“Ferma VIP” ka mbaruar, por sqarimet, ballafaqimet dhe dramat kanë vijuar edhe në “Post Ferma VIP”.

Mimoza Ahmetit dhe Zhaku rikthyen në vëmendje raportin e tyre të tensionuar dhe fjalët që kanë thënë për njëra-tjetrën gjatë spektaklit, mes të cilave deklaratën e Mozën, e cila pretendoi se “Zhaku i kishte marrë burrin”.

Por, sipas Zhakut, e vërteta është krejt ndryshe:

“Filloi të insinuonte sikur i kisha marrë burrin. Sikur isha e rrezikshme. Më vendosi në rolin e antagonistes. 

Ish-partneri i Mozës rrinte gjatë gjithë kohës me burrin tim. Dhe Moza gjithashtu vinte në shtëpinë time, ka bërë këngë në studion time.”, u shpreh ajo.

Po ashtu, Zhaku u shpreh se ka pasur gjithmonë konsideratë dhe dashamirësi për Mimozën, por u ndje e zhgënjyer nga mënyra se si, sipas saj, poetja minimizoi marrëdhënien që ato kanë pasur ndër vite.

“Gjithmonë kam qenë dashamirëse ndaj Mozës. Por kur ajo filloi të zhvlerësonte kohën që kemi kaluar bashkë, lidhjen që kemi pasur dhe punët që kemi bërë së bashku, m’u duk sikur po bënte sikur nuk më njihte,” tha Zhaku.

Nga ana tjetër, Mimoza mohoi të ketë pasur qëllim ta sulmojë apo ta cenojë ish-fermeren. 

“Unë me çdo person që kam pasur fërkime këtu, harroj. Jam shumë e lidhur me botën time dhe nuk mbaj gjëra të këqija brenda vetes,” tha fituesja e edicionit të tretë të “Ferma VIP”.

Pavarësisht përpjekjeve për të sqaruar situatën, duket se dyshja kanë ende versione të ndryshme, dhe me sa duket, raporti është krisur përfundimisht.