Po të mblidhje gjithë deklaratat që Soni Malaj bëri për Flori Mumajesin gjatë “Ferma VIP 3”, do të mendoje se dalja nga ferma do të pasohej të paktën nga një kafe. Por sipas Sonit, nuk ka pasur as telefonatë, as takim, as bisedë.
Në post-“Ferma VIP 3”, Soni Malaj u pyet drejtpërdrejt nga moderatori Florian Agalliu nëse kishte folur me Flori Mumajesin pas daljes. Përgjigjja e saj ishte e shkurtër, e shoqëruar me shumë buzëqeshje dhe asnjë shpjegim:
“Jo.”
Si për t’i dhënë pak shpresë publikut që ndoshta kishte nisur të imagjinonte ribashkim, Einxhel Shkira ndërhyri me humor:
“Jo, s’kanë folur sepse janë takuar.”
Por Soni e mbylli diskutimin me një “Jo pra, jo” edhe më të prerë.
Dhe tani, le të bëjmë një rikthim të shkurtër te saga e fermës, sepse po flasim për të njëjtën Soni që:
na tregoi se kishte pasur një histori 2 vite e gjysmë me Florin;
tha “Mos ma shaj Florin” sapo u përmend emri i tij;
kërkoi publikisht një dron prej tij;
mori 300 dronë me mesazh në qiell;
tha “Nuk e di a jemi ndarë ndonjëherë”;
u shpreh se historia e tyre ishte “e papërmbyllur emocionalisht”;
dhe madje pyeti “A quhem më single?”
Po Flori?
Flori, sipas raportimeve të fundit, rezulton të vazhdojë të qëndrojë diskret dhe duke refuzuar çdo formë komunikimi, me çdokënd. Të bën të dyshosh për gjestin sublim të surprizës së famshme me dronë, apo jo?
