Një aktivitet që do të mbahej në qendër të Londrës, me temë përshtatjen ndaj temperaturave ekstreme, është anuluar pasi qyteti po përballet me një valë të fortë të nxehti.
Takimi, i titulluar "Nxehtësia ekstreme: Përmirësimi i qeverisjes dhe forcimi i veprimeve në të gjithë botën" ishte planifikuar të mbahej të mërkurën në bibliotekën Shaw të London School of Economics, si pjesë e Javës së Veprimit për Klimën në Londër.
Por organizatorët vendosën ta anulonin, pasi godina e universitetit nuk kishte sisteme ftohjeje, “si shumica e ndërtesave në Londër”.
Në Londër dhe në disa zona të tjera të Anglisë është vendosur alarm i kuq për temperaturat e larta, i vlefshëm deri të enjten në orën 23:59, me temperatura që pritet të shkojnë deri në 37°C.
Temperaturat e larta kanë sjellë edhe mbyllje të plota ose të pjesshme të qindra shkollave në Londër dhe në jug të Anglisë.
Anulimi i një eventi për vapën për shkak të vapës duket si një ironi e pastër, por është edhe një kujtesë se qytetet, edhe ato më të pasurat, nuk janë gjithmonë gati për realitetin e temperaturave ekstreme.
-
Dietologia tregon ushqimet që nuk do t’i hante gjatë vapës
24 Qershor, 14:09
