Të gjithëve na pëlqen të na duan të tjerët, por disa njerëz duket sikur e kanë këtë aftësi më shumë se të tjerët. Mund të jetë frustruese kur shikon dikë që sapo ka hyrë në një ambient dhe tërheq menjëherë vëmendjen e të gjithëve, por kjo nuk do të thotë që ti nuk mund të ndryshosh mënyrën tënde të sjelljes.
Personi më i pëlqyeshëm në çdo dhomë bie në sy për një arsye. Dhe nuk është vetëm personaliteti, por disa zakone që e bëjnë më të këndshëm në shoqëri.
Personi më i pëlqyeshëm në dhomë pothuajse gjithmonë bën këto 4 gjëra:
1. Dëgjon më shumë sesa flet
Njerëzit duan të ndihen të parë dhe të dëgjuar. Kur dikush të dëgjon me vëmendje, të jep ndjesinë që je kuptuar vërtet.
Njerëzit më të pëlqyeshëm i bëjnë të tjerët të ndihen të rëndësishëm, jo thjesht pjesë e një grupi. Ata dëgjojnë pa ndërprerë, dhe kjo i bën shumë tërheqës në sy të të tjerëve.
Nëse flet gjatë gjithë kohës, të tjerët ndihen sikur nuk po i dëgjon dhe kjo krijon përshtypje egoiste.
2. Janë autentikë
Nëse dikush të duket i rremë, është e vështirë t’i besosh. Njerëzit e pëlqyeshëm nuk shtiren.
Ata nuk kanë frikë të tregojnë anët e tyre të pasigurta apo dobësitë, dhe kjo i bën më njerëzorë dhe më të afërt.
Autenticiteti krijon besim dhe i bën të tjerët të ndihen rehat pranë tyre.
3. "Tallen" me veten
Njerëzit që nuk e marrin veten shumë seriozisht janë më të lehtë për t’u afruar.
Kur dikush di të qeshë me gabimet e veta, të tjerët ndihen më të lirë dhe më rehat në praninë e tij.
Kjo i bën edhe më tërheqës dhe më të pëlqyeshëm.
4. Japin komplimente të sinqerta
Të gjithë kanë pasiguri, edhe nëse nuk i tregojnë.
Njerëzit më të pëlqyeshëm dinë si t’i bëjnë të tjerët të ndihen mirë përmes komplimenteve të sinqerta dhe specifike.
Një fjalë e mirë, kur është e vërtetë, mund ta ndryshojë komplet mënyrën si ndihet dikush për veten.
-
-
-
-
-
Mund të zbulosh shumë për dikë nëse i sheh këtë gjë në domën e gjumit
24 Qershor, 11:18 -
