Selena Gomez ishte mes të ftuarve VIP në darkën e organizuar një natë para dasmës së mikeshës së saj të ngushtë, Taylor Swift, dhe të fejuarit të saj, Travis Kelce.
Këngëtarja dhe aktorja 33-vjeçare mbërriti në festën e mbajtur në Madison Square Garden në New York, ku tërhoqi vëmendjen me një fustan të zi pa rripa nga Oscar de la Renta, të kombinuar me taka Jimmy Choo dhe bizhuteri elegante me diamante.
Pak para eventit, Selena ndau në Instagram një video ku shfaqej duke u bërë gati me një buzëkuq nga marka e saj, Rare Beauty, ndërsa më herët publikoi edhe një foto romantike me bashkëshortin e saj, Benny Blanco, duke shkruar:
"Do doja që Benny të ishte këtu tani."
Miqësia mes Selenës dhe Taylor-it daton që prej vitit 2008, kur të dyja ishin në lidhje me vëllezërit Jonas. Që atëherë, ato kanë mbetur ndër mikeshat më të afërta në industrinë e muzikës, duke mbështetur vazhdimisht njëra-tjetrën në momentet më të rëndësishme të jetës dhe karrierës.
Madje, vitin e kaluar, Taylor Swift ishte e pranishme në dasmën e Selena-s me Benny Blanco-n, ku mbajti edhe një fjalim emocional për çiftin.
Në darkën para dasmës së Taylor dhe Travis morën pjesë edhe emra të tjerë të njohur si Lena Dunham, Jack Antonoff, Abigail Anderson, Erin Andrews dhe Greg Olsen.
Taylor Swift dhe Travis Kelce u fejuan në gusht të vitit 2025, pas gati dy vitesh lidhjeje, ndërsa ceremonia e tyre është cilësuar si një nga ngjarjet më të përfolura të vitit në botën e showbiz-it.
