Nëse planet e plazhit u anulluan dhe s’keni asnjë ide si do ta shpenzoni këtë të dielë, urime! E gjetëm ne! Shihni këtë foto dhe tregojani gjithë njerëzve që keni përreth. Parashikojmë tension dhe me shumë shanse zënka. Themi kështu, sepse interneti e provoi dhe nuk po merr veten nga ajo çfarë po ndodh në të vërtetë atje.

E patë? Ju duket si një djalë me taka apo jo? Shiheni dhe njëherë me kujdes.

Ok, t’ju ndihmojmë pak. Skena është e tillë. Janë 3 njerëz në foto, njëri është ulur në karrige, tjetri është në këmbë, ka veshur taka dhe po jep një përqafim, ndërsa diku në cep është një grua.

Tani, ju e sqaruat kush po përqafon kë?

Twitter-i u bë lëmsh pasi ju desh shumë ta gjente.

Duke qenë se nuk duam t’ju shkojë e diela duke u marrë me këtë punë, po ju ndriçojmë.

Nga foto duket sikur djali ka veshur taka dhe po përqafon vajzën e ulur në karrige që mban veshur këmishë. Është e kundërta.

Nëse e shihni me vëmendje, tani që e dini se është iluzion optik, mund ta dalloni që është vajza ajo që po përqafon djalin dhe ka ulur kokën mbi të.

Ups! Ndjesë nëse ju stresuam!