Pasi ta keni parë foton dhe kafshën e parë që ju kapin sytë, zbuloni ç’të reja thuhen për personalitetin tuaj.

Flutura

Nëse patë një flutur, kjo tregon se jeni njeri i ndjeshëm me shpirt të butë. Mund të hiqni dorë nga zona juaj e komfortit pa asnjë problem dhe do të përshtateni sërish.  Jeni i hapur ndaj eksperiencave të reja dhe e jetoni të sotmen pa menduar për të ardhmen. Ju pëlqen vëmendja dhe ndiqni çdo trend të ri.  Ëndërroni shpesh dhe jeni shumë romantikë. I injoroni problemet dhe doni t’i merrni jetës më të mirën. Shkurt, jeni pozitivë!

Një shqiponjë!

Fillimisht mund të dukeni si arrogant dhe shumë krenar. Besoni tek vetja juaj dhe tek aftësitë që keni për të mbrojtur argumentet tuaja. Përballeni me dinjitet me problemet dhe pengesat që hasni. S’pëlqeni t’ju marrin privatësinë apo t’ju japin urdhra. I kushtoni vëmendje detajeve dhe arrini të shihni edhe gjëra që të tjerët si shohin.

Një qen

Jeni i sjellshëm dhe shumë miqësor. E urreni vetminë dhe dini si të komunikoni. I kuptoni shpejt të tjerët, emocionet dhe ndryshimin e humorit të tyre. Njerëzit që keni përreth mbështeten tek ju pasi  e dinë se do t’i ndihmoni sido që të jetë.

Një lepur

Një njeri i ndjeshëm sheh lepurin si kafshë të parë. Jeni shumë i kujdesshëm kur komunikoni me të tjerët dhe përpiqeni t’i kuptoni të gjithë, kështu s’do të ofendoni askënd. Mund t’ju lëndojnë shpejt pasi çdo gjë që ju bëni e bëni me zemër. Ndonjëherë e keni të vështirë të bëni një zgjedhje dhe jeni të turpshëm kur shprehni dëshirat tuaja.

Nuk i fshiheni problemeve, por keni frikë nga ndryshimet.

Gjarpri

Do të thotë se jeni i zgjuar dhe mendoni gjatë. Jeni i aftë të gjeni zgjidhje që i përshtaten të gjithëve. Përshtateni shumë shpejt me ndryshimet dhe gjërat e reja. Eksperienca ju ndihmon të merrni vendimet e duhura.

Një mace

Jeni i pavarur dhe besoni në vete. S’keni frikë të tregoni anën e fortë të karakterit tuaj dhe çdo gjë keni, e përdorni në avantazhin tuaj. Nuk vareni nga mendimet e të tjerëve dhe jeni i qartë në mendjen tuaj. S’keni nevojë për njerëz të zhurmshëm përreth. Madje, ndonjëherë të kap një dëshirë e fortë për të qenë vetëm me mendimet dhe ndjenjat e tua.