Taylor Swift dhe Travis Kelce po tërheqin sërish vëmendjen, këtë herë për shtëpinë e tyre luksoze buzë liqenit në Bratenahl, Ohio. Çifti bleu pronën për 5.35 milionë dollarë, ndërsa janë publikuar pamje nga ambientet e saj, të cilat tregojnë një rezidencë mbresëlënëse prej rreth 21 mijë metrash katrorë.
Sipas agjentëve të pasurive të paluajtshme David Ayers dhe Nick Zawitz, Kelce e përfundoi procedurat e blerjes në mars, disa muaj para se ai dhe Swift të martoheshin më 3 korrik. Prona ndodhet pranë Lake Erie dhe kombinon historinë e ndërtesës me elemente moderne të dizajnit, duke ruajtur një pjesë të konsiderueshme të karakterit të saj origjinal.
Pamjet e publikuara janë marrë gjatë një turi ekskluziv të realizuar në vitin 2025, përpara se prona të blihej nga çifti. Gjatë vizitës, dizajneri Rob Oriti shpjegoi se pronarët e mëparshëm kishin synuar të bashkonin arkitekturën klasike me mobilie moderne dhe linja të pastra.
Një nga ambientet që bie menjëherë në sy është kuzhina, e cila është e ndriçuar dhe e konceptuar për një familje që dëshiron të ketë hapësirë si për gatim, ashtu edhe për të kaluar kohë së bashku.
Por një nga surprizat më të mëdha ndodhet në bodrum. Hapësira, e cila dikur shërbente kryesisht për magazinim që prej vitit 1899, është transformuar në një ambient të madh argëtimi dhe qëndrimi. Sipas agjentëve, kjo është një nga ndërhyrjet më të suksesshme në rinovimin e pronës.
Përveç ambienteve të brendshme, një tjetër element që e bën pronën të veçantë është privatësia dhe pamja nga liqeni. Agjentët e përfshirë në shitje thonë se pikërisht kombinimi i historisë, hapësirës, privatësisë dhe vendndodhjes e bëri rezidencën një pronë të rrallë.
Shtëpia ka gjithashtu një histori të veçantë. Ajo ka kaluar nëpër dekada ndryshimesh dhe ruan ende elemente arkitekturore që nuk janë më të zakonshme në ndërtimet moderne. Sipas agjentëve, rinovimi arriti të modernizojë pronën pa e zhveshur nga identiteti i saj historik.
Blerja nga Kelce dhe Swift ka sjellë gjithashtu një vëmendje të re për Bratenahl dhe zonën e Cleveland.
Agjentët e pasurive të paluajtshme e përshkruajnë këtë zonë si një vend që po fiton gjithnjë e më shumë interes, ndërsa prona e çiftit është kthyer tashmë në një nga rezidencat më të komentuara.
Me një sipërfaqe gjigante, pamje nga liqeni, histori që daton prej më shumë se një shekulli dhe ambiente të rikonstruktuara me një përzierje të stilit klasik dhe atij modern, shtëpia duket si një zgjedhje që i përshtatet një çifti si Taylor Swift dhe Travis Kelce: private, elegante dhe larg zhurmës së qytetit.
