Pasarelat e koleksioneve pranverë-verë dhe vjeshtë-dimër i kanë përcaktuar tashmë trendet sezonit. Dizajnerët rikthyen pantallonat capri, propozuan pantallona shumë të shkurtra dhe i dhanë një kuptim krejt të ri stilit sportiv.
Qoftë nëse po përgatiteni për një festë verore, një udhëtim me shoqet, disa ditë pranë detit apo thjesht doni të rifreskoni kombinimet e përditshme, mes këtyre 10+ trendeve ka diçka për çdo stil.
1. Mëndafsh dhe printe: Në pasarelën e Loewe-s u shfaqën edhe fustane me të njëjtën frymë. Sa më të pasura ngjyrat dhe motivet, aq më i fortë efekti.
2. "Rikthehemi në shkollë": Bluza polo, fundet dhe detajet që kujtojnë uniformat e kolegjeve janë rikthyer, por këtë herë me një pamje më moderne.
3. Pantallonat shumë të shkurtra: Pantallonat e shkurtra me bel të lartë dhe gjatësi minimale janë një nga trendet më të guximshme të sezonit. Janë të përshtatshme si për shëtitjet në qytet, ashtu edhe për ditët pranë plazhit.
4. Pantallonat capri: Nëse pantallonat shumë të shkurtra nuk ju bindin, alternativa është një nga trendet më të debatueshme të modës: pantallonat capri.
5. Rrobat e banjës, por jo në plazh: Chanel, Christopher Esber dhe Miu Miu i kanë kthyer në veshje për mbrëmje dhe dalje, duke i dhënë çdo kombinimi një ndjesi verore dhe provokuese.
6. Pantallonat e gjera: Pantallonat në formë balone po zënë vendin e pantallonave prej linoje dhe pantallonave të shkurtra xhins. Materialet e lehta dhe forma e lirshme i bëjnë të rehatshme në lëvizje, ndërsa ngushtimi te kyçi i këmbës i lejon të kombinohen lehtësisht me shapka ose këpucë më të holla.
7. Transparenca: Veshjet e tejdukshme janë një mënyrë e drejtpërdrejtë për ta bërë stilin e verës më interesant.
8. Stili sportiv: Ndikimi sportiv është një nga tendencat më të dukshme të verës, i nxitur edhe nga interesi për basketbollin dhe Kupën e Botës.
9. Nuanca Tiffany: Një nga ngjyrat më të forta të sezonit, qoftë si një detaj i vogël, qoftë në një kombinim monokromatik.
10. Glamuri i “The Great Gatsby”: Vitet ’20 rikthehen përmes fustaneve të lirshme, zbukurimeve me rruaza dhe siluetave të zgjatura.
11. Fundet dhe fustanet me mbështjellje: Fundet dhe fustanet që lidhen ose mbështillen rreth trupit po rikthehen në materiale më të buta dhe më të lehta.
12. Pantallonat Bermuda: Rritja e temperaturave nuk do të thotë se duhet hequr dorë nga një pamje e kuruar. Pantallonat Bermuda janë zgjidhja e sezonit për një stil veror të rehatshëm, por elegant.
Burimi: InStyle
