Korrektori ka qenë gjithmonë një nga produktet më të domosdoshme dhe jo pa arsye. Ai ndriçon pamjen, e bën fytyrën të duket më e çlodhur dhe fsheh papërsosmëritë si puçrrat, njollat apo rrathët e errët. Por jo çdo korrektor funksionon njësoj, ndaj për një rezultat perfekt duhet të dimë si të zgjedhim dhe si ta përdorim siç duhet.
1. Gjej nuancën e duhur
Zgjedhja e nuancës së korrektorit është hapi më i rëndësishëm:
Mbaje afër ngjyrës së lëkurës tënde qe të mos e marrësh jo dy nuanca më të çelët siç bënim dikur.
Përshtatja me nënnuancën është çelësi:
Tonet e errëta të lëkurës zakonisht përputhen më mirë me nuanca të verdha apo portokalli.
Tonet e çelëta përshtaten me nuancat rozë apo neutrale.
Korrektori duhet të mos dallohet nga pjeda tjetër e lëkurës, vetëm atëherë ke gjetur nuancën perfekte.
2. Zgjidh teksturën e duhur
Teksturat kremoze ose të lëngshme: më të lehta për t’u aplikuar, ideale për përdorim të përditshëm dhe mund të aplikohen me disa shtresa për më shumë mbulim.
Format kompakte ose stik: japin mbulim më të fortë, por kërkojnë më shumë kohë dhe kujdes për t’u përhapur mirë.
Zgjidh teksturën që i përshtatet më mirë tipit të lëkurës dhe nevojave të tua.
3. Mjeti i aplikimit ka rëndësi
Furça grimi: Ofron mbulim më të lartë, perfekte për puçrra apo njolla specifike.
Sfungjer i lagur (beauty blender): Jep një efekt natyral dhe të ndritshëm, duke përzier produktin butësisht me lëkurën.
Zakonisht, për një pamje më natyrale, sfungjeri është zgjedhja më e preferuar.
4. Teknikat e aplikimit
Trekëndëshi i përmbysur: Apliko korrektorin nga cepi i syrit deri në mollëz për të mbuluar rrathët dhe për të ndriçuar qendrën e fytyrës.
Metoda moderne: Apliko vetëm në cepin e brendshëm dhe të jashtëm të syrit për një efekt "lifting" më të freskët dhe më natyral.
Eksperimentimi është çelësi, gjej metodën që të shkon më shumë.
