Pamela Anderson ka folur për jetën e saj si një grua beqare, e cila nuk e ka aspak problem të jetë single.
“Ndihem kaq e bekuar dhe me fat që kam mundësi të bëj jetën që gjithnjë kam dëshiruar,” tha Pamela Anderson në një intervistë për “Life & Style”.
E zhvendosur prej shumë vitesh në Kanada, në një ishull pranë Vankuver-it, që ka qenë vendlindja e artistes, Pamela thotë se ndihet shumë e qetë larg zhurmës së metropoleve dhe thashethemeve të njerëzve.
Jeta e saj private ka qenë shpesh në foksus të mediave, sidomos pas martesave dhe ndarjeve të bujshme. E divorcuar gjashtë herë, Pamela thotë se ka kaluar një vit që kur ka përjetuar një lidhje serioze me bashkëshortin e saj i fundit, Dan Hayhurst, me të cilin ajo u nda pas një viti martesë.
“Pas kaq shumë marrëdhëniesh të stuhishme dashurie, unë jam në rregull me të qenit vetëm. Kam një raport shumë të mirë me veten dhe po i përkushtohem plotësisht qetësisë së brendshme,” shton Anderson.
Duket se dy burrat më të rëndësishëm në jetën e Pam janë dy djemtë e saj Brandon dhe Dylan, për të cilët ajo synon që t’i bëjë krenarë çdo ditë të jetës së tyre.
Anderson ka qenë e martuar me bateristin e “Mötley Crüe”, Tommy Lee nga viti 1995 deri në vitin 1998 kur edhe u divorcuan.
Ata kanë dy djem së bashku, Brandon Thomas dhe Dylan Jagger. Aktorja më vonë u martua dhe u divorcua me Kid Rock në vitin 2006. Më pas ajo u martua dhe u divorcua me producentin Rick Solomon dy herë në 2007 dhe 2013. Të dyja martesat me Solomon-in morën fund në më pak se një vit. Ajo gjithashtu u nda nga producenti Jon Peters në vitin 2020, por sqaroi se ata nuk ishin martuar kurrë ligjërisht, pavarësisht se kishin pasur një ceremoni martese.
Artikuj të sugjeruar:
