Lajmi për ndarjen nga jeta të Liam Payne, një prej anëtarëve të grupit ikonik One Direction, ka shkaktuar trishtim të thellë në mbarë botën. Megjithatë, partnerja e tij, Kate Cassidy, është përballur me një valë komentesh negative në rrjetet sociale. Ndërkohë që Cassidy nuk ka reaguar ende publikisht për humbjen e të dashurit të saj, përdorues të shumtë të rrjeteve sociale kanë mbushur postimet e saj me komente urrejtjeje.

Cassidy, e cila kishte lënë Argjentinën vetëm disa orë para incidentit tragjik, ka shpjeguar përmes një postimi në TikTok arsyen e largimit të saj. Ajo theksoi se ndjente se udhëtimi i tyre kishte zgjatur më shumë nga ç’ishte planifikuar fillimisht. “Isha gati të largohesha… ne duhej të qëndronim për pesë ditë, por u shndërrua në dy javë,” tha ajo.

Njerëzit nxituan që të komentonin në rrjetet e saj sociale, duke u shprehur: “Pse nuk ke postuar gjë për vdekjen e Liam???????”; “A e shtyve ti?”; “Shpresoj të jesh e lumtur tani”; “Është faji yt!”, duke harruar që një dhimbje dhe tronditje e tillë do kohë të procesohet. Kate dhe të gjithë njerëzit e afërt me Liam, mund të mos reagojnë në rrjetet sociale, por kjo nuk do të thotë se ata nuk e ndiejnë dhimbjen, madje (ndjesë për gjithë njerëzit që mendojnë se e ndiejnë dhimbjen në nivel personal), por shumë më tepër se të gjithë fansat anembanë botës.

Sa u përket reagimeve, VIP-a të ndryshëm thanë disa fjalë për largimin e beftë të ish-yllit të One Direction:

X Factor: “Zemrat na janë copëtuar”

Ekipi i X Factor, programi që i dha jetë suksesit të Liam dhe grupit One Direction, ndau dhimbjen e tyre përmes një mesazhi të ndjerë: “Zemrat na janë copëtuar nga vdekja e Liam Payne. Ai ishte një talent i jashtëzakonshëm dhe, si pjesë e One Direction, Liam do të lërë një trashëgimi të përhershme në industrinë e muzikës dhe në zemrat e miliona fansave anembanë botës. Mendimet tona janë me miqtë, familjen dhe të gjithë ata që e donin.”

Ronnie Wood i Rolling Stones: “I tronditur dhe i pikëlluar”

Rock legjenda Ronnie Wood, duke ndarë një performancë të grupit në X Factor, shprehu tronditjen e tij. “Jam i tronditur dhe i pikëlluar nga lajmi për vdekjen e Liam Payne. Ishte një kënaqësi të punoja me të në performancën tonë në X Factor. Zoti e bekoftë Liamin, mendimet e mia janë me të dashurit e tij. Do të na mungojë shumë.”

Backstreet Boys nderojnë Liam Payne

Edhe Backstreet Boys ndanë pikëllimin e tyre përmes një mesazhi prekës. “Fjalët nuk mund të përshkruajnë emocionet që po ndjejmë kolektivisht tani, dhe duket se i gjithë bota po përjeton të njëjtën gjë. Zemrat tona shkojnë për familjen, miqtë dhe Directioners e të gjithë botës. Pusho në paqe, vëlla.”

West Brom: “Të tronditur dhe të pikëlluar”

Klubi i futbollit West Brom, të cilin Liam e mbështeste, ndau dhimbjen e tyre duke postuar një foto të tij në një prej ndeshjeve. “Jemi të tronditur dhe të pikëlluar,” thanë ata. “Mendimet tona janë me familjen, miqtë dhe të dashurit e Liam në këtë moment tragjik.”

Greg Horan, vëllai i Niall Horan, nderon Liam Payne

Ndërsa anëtarët e tjerë të One Direction nuk kanë reaguar ende, Greg Horan, vëllai i Niall Horan, ndau një mesazh të ndjerë për Liam. “Të them se jam i pikëlluar është pak. Ti ishe një djalosh fantastik dhe u rrite në një burrë të mrekullueshëm. Ti do të mbetesh përgjithmonë në zemrat tona, vëlla. Zemra ime shkon për familjen tënde dhe për të gjithë vëllezërit e One Direction.”

Nëna e Harry Styles, Anne Twist, reagon ndaj vdekjes së Liam Payne

Nëna e Harry Styles, Anne Twist, ka thyer heshtjen e saj pas vdekjes së ish-anëtarit të One Direction, Liam Payne. Twist, 56 vjeç, ndau një mesazh të thjeshtë, por tronditës, në Instagram. “Thjesht një djalë…”, shkruajti ajo në postim, i cili përmbante një emoji zemre të thyer mbi një sfond të zi.

Artikuj të sugjeruar: