“Për’puthen” rikthehet së shpejti në ekranin e Top Channel me sezonin e shtatë. Programi i dedikuar njohjeve dhe marrëdhënieve mes konkurrentëve do të rikthehet me disa ndryshime në ekipin që do të jetë në qendër të këtij edicioni.
Sipas njoftimeve të publikuara nga Top Channel, Heidi Baci do të jetë moderatorja e sezonit të ri, ndërsa Erjola Doçi do të jetë në rolin e opinionistes.
Në program do të rikthehet edhe Drini Zeqo, pas 22 vitesh nga eksperienca e tij e mëparshme në Top Channel.
Një tjetër ndryshim lidhet me autorësinë e programit. Në sezonin e shtatë, autor i “Për’puthen” do të jetë gazetari Ronaldo Sharka, ndërsa në sezonin e kaluar ky rol ishte mbajtur nga Neda Balluku.
Për këtë sezon, produksioni ka paralajmëruar gjithashtu një kast të ri konkurrentësh, ndërsa detaje të tjera rreth formatit dhe risive të sezonit ende nuk janë bërë publike.
Për’puthen” nisi transmetimin në Top Channel në vitin 2020 dhe gjatë viteve ka ndryshuar disa herë moderatorët, opinionistët dhe mënyrën e zhvillimit të programit.
Data e premierës së sezonit të shtatë ende nuk është bërë e ditur zyrtarisht.
