Le të jemi të sinqertë: nuk ka rëndësi nëse je në Dhërmi, Ksamil, Velipojë apo diku jashtë Shqipërisë. Çdo beach bar ka të njëjtët personazhe. Mund të ndryshojë peizazhi, por jo tipologjitë e çdo grupi.
1. Fotografja profesionale (pa qenë fotografe)
Ka ardhur për plazh, por deri tani ka bërë 247 foto. Di këndin e duhur, dritën e duhur dhe nuk ha asnjë gjë para se ta fotografojë. Nuk mërzitet duke të të bërë foto, por mos guxo t'i thuash që nuk të pëlqen s'i të ka fotografuar!
2. Minimalisti misterioz
Një këmishë lino, syze dielli, telefon, IQOS (nëse je përdorues) dhe një qetësi e dyshimtë. Nuk flet shumë, por duket sikur ka ardhur direkt nga një editorial mode. Askush nuk e di çfarë pune bën, motoja e tij është "privatësia është luks" dhe mendon që duket super cool nëse hedh vetëm një story krejt të dyshimtë nga pushimet 1-javore. Le ta pranojmë, dëgjon muzikë të mirë, njohës i kinemasë dhe vdes të krijojë përshtypjen që është nonchalant...
3. Personi që është në pushime prej vitit 2019
Nuk nxiton askund. Nuk di çfarë dite është. Nuk di as orën. Ka arritur nivelin e relaksit që të tjerët e kërkojnë në YouTube me "guided meditation". Është ai tipi që e sheh në një të mërkurë krejt të zakonshme pune, në mes të Vietnamit.
4. DJ i paemëruar i tavolinës
Kontrollon muzikën, kritikon muzikën dhe propozon muzikë. Edhe kur nuk ka lidhje me muzikën. Beson se vetëm bindjet e tij vlejnë dhe asgjë tjetër.
5. Ajo që krijon "content"
Ajo nuk është me pushime. Ajo është në punë. Çdo perëndim, koktej, peshqir apo valë ka potencial për një story artistik. Eshtë ajo që të tjerët e shohin dhe duan ta pyesin nëse u lodh apo ka uri.
6. Ai që është djegur nga dielli
Nuk ka vënë krem. Sërish nuk do të vërë krem. Ka teorinë e tij që dielli i bën mirë dhe nëse e djeg. Eshtë po i njëjti njeri që kur të shkojë pasdite në dhomë do vëmendjen e të gjithëve sepse do ANKOHET.
7. Pijedashësi
E fillon me birrën e parë sapo zbardh dhe e mbyllura nuk dihet! Falë Zotit është njeriu më argëtues në grup sepse e ka pijen me humor fantastik, por të nesërmen në mëngjes, nuk i flitet. Eshtë njeriu më i ngrysur që s'mban mend asgjë, deri aty nga mesdita kur historia e birrës nis nga fillimi.
P.S. Nëse po lexon këtë dhe ke identifikuar miqtë e tu te secili personazh...po, ky ishte qëllimi.
-Artikull promocional
