Çdo vjeshtë sjell me vete jo vetëm ngjyra të reja, por edhe trende në botën e bukurisë. Këtë sezon, ajo që ka tërhequr vëmendjen quhet “grimi i pjekur”, dhe po përqafohet nga yje si Penélope Cruz, e cila e prezantoi me hijeshi në sfilatën Chanel Pranverë/Verë 2026 gjatë Javës së Modës në Paris.
Por çfarë është në të vërtetë “grimi i pjekur”?
View this post on Instagram
Imagjinoni nuancat e bukës së thekur, të karamelit dhe të kanellës, të ngrohta, të ëmbla dhe të natyrshme. Ky stil grimi pasqyron ngrohtësinë dhe butësinë e vjeshtës, duke e bërë lëkurën të duket rrezatuese dhe e shëndetshme.
Baza është e lehtë dhe transparente, në mënyrë që lëkura të “marrë frymë” dhe të shkëlqejë natyrshëm. Aplikimi bëhet idealisht me gishta, që produkti të shkrihet lehtë me lëkurën dhe të krijojë efektin "no makeup makeup".
Faqet marrin jetë me nuanca pjeshke ose korali të butë, të cilat japin një freski të ndjeshme. Një highlighter i lehtë në ton ari ose shampanje vendoset në pikat ku bie drita, për një ndriçim delikat, por pa e tepruar.
Sytë theksohen me tone bronzi, kafe dhe karamel, të vendosura me dorë për një efekt “smokey” romantik dhe të përmbajtur.
Buzët? Ngjyrat nude janë në qendër: tone mjalti ose rozë e butë, shpesh të kompletuara me pak shkëlqim për një prekje joshëse.
