Kur temperaturat rriten, organizmi ynë kërkon më shumë hidratim, ushqime të lehta dhe shije të freskëta. Nuk është rastësi që gjatë verës produktet me bazë qumështi të fermentuar dhe frutat e pyllit bëhen ndër zgjedhjet më të preferuara për mëngjes, snack apo një pauzë freskuese gjatë ditës.
Pikërisht këtë kombinim prezantoi Lufra, përmes produktit të saj më të ri, Kefir me Boronicë, në një event të organizuar në ambientet e fabrikës në Lushnje, ku 11 influencere të njohura, Françeska Murati, Orinda Huta, Xhesi Muçaj, Keisilda Muça, Sarah Berisha, Ditea Berisha, Eridas Kitchen, Drilona Boçi, Santana Çomora, Rizarta Hoxha dhe Anxhelina Kotorri shqiptare- patën mundësinë të zbulojnë nga afër gjithë rrugëtimin e produktit, nga prodhimi deri te degustimi i tij.
Eksperienca nisi me një vizitë në fabrikë, ku të ftuarat u njohën me teknologjinë moderne, standardet e larta të sigurisë ushqimore dhe procesin e fermentimit që i jep kefirit vetitë e tij karakteristike. Nga qumështi i freskët deri te paketimi final, në linjën Tetra Top, influenceret ndoqën hap pas hapi mënyrën se si merr jetë produkti më i ri i kompanisë.
Më tej, në Lab Zone, themeluesja e Lufrës, Antoneta Ndreka, ndau historinë 35-vjeçare të kompanisë dhe vizionin për të zhvilluar produkte që ndërthurin traditën shqiptare të përpunimit të qumështit me tendencat moderne të ushqyerjes së shëndetshme.
Ndërkohë, Chill Zone u kthye në hapësirën më kreative të eventit. Influenceret përjetuar një eksperiencë shumë interesante me smoothie, kokteje dhe receta të ndryshme me bazë Kefirin me Boronicë, duke treguar se ai mund të jetë një alternativë ideale për këto ditë të nxehta vere.
Pse duhet të konsumohet Kefiri me Boronicë i Lufrës?
Kefiri është një produkt i fermentuar i qumështit i cili prodhohet përmes një procesi natyral fermentimi të qumështit të freskët, i cili fermentohet me anë të kulturave të veçanta që i japin atij shijen dhe vetitë karakteristike dhe të njohura ushqyese. Këto kultura përbëhen nga një simbiozë bakteriesh të mira, të cilat gjatë fermentimit transformojnë përbërjen e qumështit dhe i japin produktit shijen karakteristike paksa të thartë, freskuese dhe teksturën e lehtë kremoze.
Procesi i prodhimit zhvillohet në kushte të kontrolluara temperature dhe higjiene të lartë, ku qumështi pasterizohet dhe më pas fermentohet për një periudhe të caktuar kohe, derisa arrihet ekuilibri i dëshiruar i shijes dhe konsistencës. Ky proces natyral jo vetëm që i jep kefirit shijen unike, por edhe e pasuron atë me mikroorganizma të dobishëm.
Kefiri është i pasur me proteina me cilesi të lartë, kalcium, fosfor, vitamina të grupit B (sidomos B2 dhe B12), si dhe ka një përmbajtje të lartë probiotikesh, të cilët kontribuojnë në balancimin e florës intestinale, ndihmojnë tretjen, përmirësojnë përthithjen dhe mbështesin sistemin imunitar. Për këtë arsye, ky produkt shpesh konsiderohet si një nga produktet më funksionale të kategorisë së qumështit.
Lufra ofron disa lloje kefiri në treg, duke përfshirë kefirin klasik natyral dhe variantet me fruta, siç është p.sh. edhe boronica.
Prodhimi i kefirit nga Lufra, ashtu si dhe i çdo produkti tjetër që del nga fabrika e saj, realizohet sipas standardeve strikte të sigurisë ushqimore, me kontrolle të vazhdueshme laboratorike, në çdo fazë të procesit. Sepse për Lufrën, siguria ushqimore mbetet prioritet absolut, ndërsa cilësia është premtimi që shoqëron çdo produkt që mbërrin në tryezën e familjeve shqiptare.
Me prezantimin e Kefirit me Boronicë, Lufra zgjeron portofolin e saj të produkteve të saj, duke sjellë në treg një alternativë moderne që bashkon shijen, traditën, cilësinë dhe kujdesin për mirëqenien. Kjo është dhe filozofia e kompanisë, prej më shumë se 35 vitesh.
