English
Showbiz

Pse Brooklyn Beckham është i zemëruar me postimet e prindërve për Ditën e Babait

 

Brooklyn Beckham raportohet se është i zemëruar me prindërit e tij, David Beckham d88.jpghe Victoria Beckham, pas postimeve të tyre në Instagram për Ditën e Babait.

David dhe Victoria tentuan të bëjnë një gjest pajtimi drejt djalit të tyre të madh mes përçarjes familjare, duke publikuar të dielën foto të vjetra ku shfaqej Brooklyn dhe duke shkruar mesazhe të ngrohta për familjen.

4.webp

Victoria ndau një fotografi ku shfaqeshin të katër fëmijët e tyre – Brooklyn, Romeo, Cruz dhe Harper – pranë babait të tyre. Ndërsa David publikoi një foto bardhezi të fëmijëve kur ishin të vegjël, përfshirë një ku Brooklyn mban në krah motrën e vogël Harper, si edhe disa foto individuale me secilin fëmijë.

3.webp

Megjithatë, sipas mediave britanike, Brooklyn është “absolutisht i zemëruar” nga ky gjest publik, pasi më herët u kishte kërkuar prindërve që të mos e etiketojnë dhe të mos e përfshijnë në postimet e tyre në rrjetet sociale.

“Është i zemëruar për këtë. Ai u ka kërkuar t’i lënë rehat, por ata vazhdojnë të postojnë për të,” tha një burim për mediat.

Sipas të njëjtit burim, kjo situatë vetëm sa e rikthen konfliktin në vëmendje dhe e bën më të vështirë distancimin e tij nga drama familjare.

Victoria në postimin e saj për Ditën e Babait e quajti David-in “babai

n më të mirë”, duke shtuar se arritja më e madhe e tij janë fëmijët e tyre.

David-i, nga ana tjetër, shkroi se të qenit baba është “puna më e rëndësishme” e jetës së tij dhe falenderoi Victoria-n për familjen e tyre.

Konflikti mes Brooklyn-it dhe familjes së tij është bërë publik prej muajsh. Në janar ai publikoi një deklaratë ku akuzoi prindërit se po përpiqeshin të dëmtonin marrëdhënien e tij me bashkëshorten, Nicola Peltz.

Që prej asaj kohe, raportet mes tyre janë përkeqësuar. Javën e kaluar, Brooklyn pretendoi se fotografitë ku motra e tij, Harper Beckham, shihej duke u përpjekur ta takonte në shtëpinë e tij në Los Anxhelos ishin të inskenuara për publicitet.

Megjithatë, përfaqësues të Brooklyn dhe Nicola-s i kanë mohuar këto pretendime, ndërsa burime pranë familjes Beckham thonë se situata ka prekur të gjithë familjen dhe se Victoria është shumë e lënduar nga përçarja mes fëmijëve të saj.

Pavarësisht gjithçkaje, duket se për momentin marrëdhënia mes Brooklyn Beckham dhe prindërve të tij mbetet e tensionuar.

Mos humbisni edhe

REELS

Dua Lipa ka shprehur mendimin e saj lidhur me aktualitetin politik e social në Shqipëri, duke theksuar gjatë podkastit @service95bookclub se ligji për të hequr sipërfaqe të ndryshme nga harta e zonave të mbrojtura përbën një shqetësim të madh. All rights reserved to @service95bookclub

Pas fitores së Spanjës ndaj Belgjikës në gjysmëfinale, Lamine Yamal ngriti sytë drejt tribunës dhe pa vëllain e tij të vogël, Keyne, i cili po festonte në mënyrën më epike të mundshme. Reagimi i tij u bë menjëherë viral, duke treguar se mes gjithë emocioneve të një ndeshjeje historike, familja mbetet gjithmonë ndjesia dhe mbështetja më e bukur. 🥹⚽

Trashëgimia shqiptare, e sjellë me një frymë moderne. ✨ @dorentinabrand frymëzohet nga veshjet tradicionale të grave shqiptare, duke ruajtur identitetin përmes krijimeve handmade, jo të prodhuara në masë, me elemente autentike (fije, copa, breza, sumbulla dhe detaje dekoruese) të mbledhura nga krahina të ndryshme të Shqipërisë. Çdo veshje mbart një histori. 🤍

Kjo është një nga ato pajisje që s’e dije që të duhej… por tani e pe. 👀✨

Si duken konferencat tuaja?! 🦦 Video by @kyannademi

🌋 Etna ka shpërthyer sërish. Vullkani më aktiv i Europës ka nxjerrë sasi të mëdha hiri dhe tymi, ndërsa aktiviteti vullkanik po monitorohet vazhdimisht nga autoritetet italiane. Deri më tani nuk raportohet për persona të lënduar, ndërsa situata mbetet nën vëzhgim. 📹 Pamjet nga vendi i ngjarjes po bëjnë xhiron e rrjetit.

Do paguanit?! 🤓 Video by @coquicultcoffee

Dita 35 🦩 📸 @erald.halili

Video Credits: @_skerditopalli_

×