Sipas Daily Mail, Selena Gomez dhe Benny Blanco do të martohen në një ceremoni të mbushur me personazhe të famshëm, në shtator në Montecito, Kaliforni.
Eventi pritet të zgjasë dy ditë, ku do të jenë të pranishëm vetëm familjarë dhe miq të ngushtë, përfshirë këtu emra si Taylor Swift dhe Travis Kelce. Madje, ftesat janë dërguar tashmë.
Të pranishmëve ju është kërkuar të marrin valixhe me vete për të qëndruar gjatë gjithë fundjavës. Burime thonë se shtatori është ideal për dasmën, për shkak se Selena do të ketë një sezon të ngjeshur vjeshtën dhe dimrin e ardhshëm.
Në një intervistë me Rolling Stone dhe Billboard, Blanco tha se dasma do të jetë e mrekullueshme, duke shtuar se dyshja po planifikojnë me kujdes detajet, pasi kanë qenë të zënë me promovime albumi, shfaqje televizive dhe projekte të tjera personale.
Blanco, tërhoqi vëmendjen me komentet e tij në “Therapuss With Jake Shane” këtë muaj, ku tha se dasma do të jetë “e qetë” dhe me pjesëmarrjen e miqve të afërt, përfshirë ndoshta edhe Ed Sheeran. Gomez, po ashtu, ka përmendur traditat që do të përfshihen në ceremoni, si kërcimi “Hora” dhe një moment të veçantë me gjyshin e saj, në vend të vallëzimit tradicional të çiftit të sapomartuar.
Çifti u fejuan në dhjetor 2024 dhe që nga ajo kohë janë bërë bashkë edhe në projektin e tyre muzikor “I Said I Love You First”, i lançuar në mars 2025.
