Shakira po dëshmon se përgatitjet për performancat e saj nuk lënë vend për asnjë minutë që të shkojë dëm. Këngëtarja kolumbiane është bërë virale pas një videoje të publikuar në Instagram nga stilisti i saj personal i flokëve, Jhonatan Rendon.
Në pamjet e ndara me ndjekësit, Shakira shihet e shtrirë me fytyrën poshtë duke kryer ushtrime me pesha, ndërsa në të njëjtën kohë parukieri i saj i than flokët me tharëse, duke shfrytëzuar çdo moment të lirë gjatë përgatitjeve.
“Ne sigurohemi që çdo sekondë të ketë rëndësi!”, shkroi Rendon në përshkrimin e videos, duke treguar se puna në prapaskenë është po aq intensive sa performancat në skenë.
Videoja mori menjëherë vëmendjen e fansave, të cilët vlerësuan përkushtimin e ekipit.
“Kjo do të jem unë mëngjesin e dasmës sime”, shkroi me humor një ndjekëse, ndërsa një tjetër komentoi: “Multitasking-u perfekt që sjell një rezultat të mahnitshëm. Bravo të dyve!”
Shakira tërhoqi vëmendjen edhe në finalen e Kupës së Botës 2026, ku u ngjit në skenë me flokët e saj karakteristikë kaçurrela dhe një kostum spektakolar të krijuar posaçërisht nga Roberto Cavalli.