Cameron Diaz dhe Benji Madden kanë surprizuar fansat me një lajm të bukur: ata janë bërë prindër për herë të tretë. Lajmi u bë publik nga vetë muzikanti përmes një postimi në Instagram më 4 maj, ku ndau emocionin e madh të zgjerimit të familjes së tyre.

Çifti mirëpriti në jetë një djalë, të cilin e kanë quajtur Nautas, një emër i veçantë që duket se lidhet me fjalën e lashtë greke për “marinar”. Në postimin e tij, Benji Madden shkroi:

“Unë dhe Cameron jemi shumë të lumtur dhe të emocionuar dhe ndihemi jashtëzakonisht të bekuar të njoftojmë lindjen e fëmijës sonë të tretë, Nautas Madden. Mirë se erdhe në botë, djali ynë!”

Të njohur për privatësinë e tyre, Cameron Diaz dhe Benji Madden kanë qenë gjithmonë të rezervuar kur bëhet fjalë për jetën familjare. Ata nuk publikojnë shpesh foto të fëmijëve dhe rrallë flasin për ta në publik. Ata janë prindër edhe të dy fëmijëve të tjerë: Raddix Wildflower dhe Cardinal.

Aktorja ka theksuar shpesh se amësia është një zgjedhje e vetëdijshme që kërkon energji dhe përkushtim, ndërsa me humor ka thënë se synon të jetojë mbi 100 vjet, vetëm për të qenë pranë fëmijëve të saj për sa më gjatë.

Me ardhjen në jetë të Nautas, familja e tyre tashmë është më e plotë se kurrë, dhe duket se po e shijojnë këtë kapitull të ri larg zhurmës së Hollywood-it.